‘क्यारिङ माइन्ड्स इन्टरनेशनल यंग ट्यालेन्ट अवार्ड’ २० वर्षीय युवा सरेङ्गी कलाकार मास्टर अमान हुसेनलाई प्रदान गरिने

कोलकाता: विश्व प्रसिद्ध डोभर लेन संगीत सम्मेलनले आफ्नो ७४औं वार्षिक महोत्सव जनवरी २२ देखि २५, २०२६ सम्म रवीन्द्र सरोवरस्थित नजरुल मञ्चमा आयोजना गर्दैछ। शुक्रबार बंगाल क्लबमा पत्रकार सम्मेलन आयोजना गरिएको थियो, जहाँ आगामी कार्यक्रमको रूपरेखा र सहभागीहरूको विवरण साझा गरिएको थियो।
उक्त पत्रकार सम्मेलमा डोभर लेन संगीत सम्मेलनका संरक्षक संजय बुधिया, अनुब्रत चटर्जी, शिन्जिनी कुलकर्णी, बुधादित्य मुखर्जी, समर साहा, अनिन्द्य चटर्जी, रुचिरा केदार, अमन हुसेन, डोभर लेन संगीत सम्मेलनका सचिव मोनोतोष मुखर्जी, अध्यक्ष बतिन्द्र मुस्तफी, सुलग्ना भट्टाचार्य, शुभेन चटर्जी र अन्य विशिष्ट व्यक्तित्वहरू उपस्थित थिए।
यस वर्षको संगीत महोत्सवमा २४ मुख्य कलाकारहरू सहित कुल ५२ कलाकारहरूले भाग लिनेछन्। चार दिने महोत्सवमा प्रत्येक दिन चार कलाकारहरूले प्रस्तुति दिनेछन्। कार्यक्रममा देशभरका प्रसिद्ध संगीतकारहरूका साथै युवा प्रतिभाहरूले पनिआफ्नो प्रस्तुति दिनेछन्, जसले गर्दा यो संगीत प्रेमीहरूका लागि एक रोमाञ्चक कार्यक्रम हुनेछ। चार दिने महोत्सवमा नाटक, गीत, शास्त्रीय संगीत र वाद्य प्रस्तुतिको मिश्रण हुनेछ।
डोभर लेन संगीत सम्मेलनका संरक्षक संजय बुधियाले सम्मेलनले भारतीय शास्त्रीय संगीतको समृद्ध परम्परालाई मात्र प्रवर्द्धन नगरी नयाँ पुस्तालाई कला र संस्कृतिसँग जोड्न पनि महत्त्वपूर्ण भूमिका खेल्ने बताए।
यस वर्ष क्यारिङ माइन्ड्स इन्टरनेशनल यंग ट्यालेन्ट अवार्ड २० वर्षीय युवा सरेङ्गी कलाकार मास्टर अमान हुसेनलाई प्रदान गरिने वहाँले जनाए।
ठूलो संख्यामा दर्शकहरूको अपेक्षा:
कार्यक्रममा कोलकाता र देशभरका संगीत प्रेमीहरूको ठूलो संख्यामा उपस्थित हुने अपेक्षा गरिएको छ। आयोजकहरूले भने यो चार दिने महोत्सवले श्रोताहरूलाई भारतीय संगीतको गहिराइ र विविधता अनुभव गर्न अनुमति दिनेछ।