न्यू चण्डीगढ़: दक्षिण अफ्रिकाले बिहीवार खेलिएको दोस्रो टी२० इण्टरनेशनल क्रिकेट म्याचमा भारतलाई ५१ रनले पराजित गऱ्यो। यस जीतको साथै दक्षिण अफ्रिका ५ वटा म्याचको सीरीजमा १-१-को बराबरीमा पुग्यो। आज खेलिएको म्याचमा टस हारेर पहिला ब्याटिंग गर्दै दक्षिण अफ्रिकाले २० ओभरमा ४ विकेट गुमाएर २१३ रनको मजबूत स्कोर बनायो। ओपनर क्विण्टन डी ककले ४६ बल खेलेर सर्वाधिक ९० रन बनाए। उनले ७ वटा छक्का र ५ वटा चौका लगाए। यसबाहेक डोनोवन फरेराले ३ वटा छक्का र एउटा चौकाको सहायताले १६ बलमा अविजित ३० रन बनाए। कप्तान एडन मार्करमले २९ रनको योगदान दिए। भारतीय बलरहरूमा वरुण चक्रवर्तीले २ विकेट लिए। आज सबै भारतीय बलरहरूले प्रशस्तै रन खर्च गरे। त्यसपछि २१४ रनको विशाल लक्ष्यलाई अघि राखेर खेल्दै भारत १९.१ ओभरमा १६२ रन बनाएर अलआउट भयो। तिलक वर्माले ५ वटा छक्का र २ वटा चौकाको सहायताले ३४ बल खेलेर सर्वाधिक ६२ रन बनाए। अन्य कसैले पनि उल्लेखनीय योगदान दिन सकेनन्। कप्तान सूर्यकुमार यादव ५ रन बनाए भने उपकप्तान शुभमन गिलले त खाता नै खोलेनन्। अभिषेक शर्माले १७, जितेश शर्माले २७ र हार्दिक पाण्ड्याले २० रन बनाए। दक्षिण अफ्रिकाका बलरहरूमा ओर्टनील बार्टम्यानले ४ विकेट लिए। क्विण्टन डी ककले प्लेयर अव् द म्याचको ट्रफी जिते।