बार्सिलोना: स्पेनिश ला लीगा फूटबल प्रतियोगितामा बार्सिलोनाले असाधारण प्रदर्शन गर्दै अझ एउटा रोमाञ्चक जीत हासिल गऱ्यो। मंगलवार राति खेलिएको म्याचमा बार्सिलोनाले एट्लेटिको म्याड्रिडविरुद्ध ३-१-ले जीत हासिल गऱ्यो। यस हारको साथै एट्लेटिको म्याड्रिडको लामो समयदेखि जारी अजेय अभियानमा पनि ब्रेक लाग्यो। गत अगस्त महिनापछि ला लीगामा यो टीमको पहिलो हार हो। आफ्नो होम ग्राउण्डमा ६० प्रतिशत पोजेशनको साथ खेल्ने बार्सिलोना म्याचको शुरुमै पछाड़ियो। फरवर्ड खेलाड़ी एलेक्स बाएनाले १९औं मिनटमा एट्लेटिको म्याड्रिडलाई बढ़त दिलाए तर राफिन्हाले २६औं मिनटमा गोल गरी बार्सिलोनालाई १-१-को बराबरीमा पुऱ्याए। दोस्रो हाफको खेलमा बार्सिलोनाले चाँड़ै बढ़त हासिल गऱ्यो। डानी ओल्मोले ६५औं मिनटमा होम टीमलाई दोस्रो गोल दिलाए। त्यसपछि इञ्ज्युरी टाइममा फेरान टोरेसले अझ एक गोल गरी बार्सिलोनाको जीत सुनिश्चित गरे। यस जीतको साथ बार्सिलोना १५ वटा म्याचमा ३७ पोइण्ट्सको साथ ला लीगा पोइण्ट्स टेबलको शीर्ष स्थानमा कायम रह्यो। यसरी चौथो स्थानमा रहने एट्लेटिकोसँग ३१ पोइण्ट्स रहेको छ। रायो भाल्लोकानो र भेलेन्सियाबीच खेलिएको अन्य एउटा म्याच १-१-ले ड्र रह्यो।