कोलकाता: पश्चिम बंगालकी मुख्यमन्त्री ममता बनर्जीले राज्यमा सुरु गरिएको ‘विशेष गहन पुनरीक्षण (एसआईआर)’ अभियानका कारण उत्पन्न भयका कारण ३९ जनाको मृत्यु भएको दाबी गर्दै उनीहरूका परिवारलाई आर्थिक सहयोग उपलब्ध गराउने घोषणा गरेकी छन्।
मुख्यमन्त्रीका अनुसार मृतकमध्ये चार जना बूथ स्तर अधिकारी (बीएलओ) पनि छन्। प्रत्येक परिवारलाई २–२ लाख भारतीय रुपैयाँ सहयोग दिइनेछ।
एसआईआरको दौरान बिरामी परेकालाई पनि सहयोग:
बनर्जीले भनिन् कि एसआईआर सञ्चालनका बीच अत्यधिक कार्यभार र तनावका कारण १३ जना व्यक्ति बिरामी परे, जसमा तीन बीएलओ पनि समावेश छन्। यी परिवारलाई १-१ लाख रुपैयाँ उपलब्ध गराइनेछ।
उनले दिएको सरकारी विवरणअनुसार नोभेम्बर ४ देखि एसआईआर शुरु भएपछि राज्यका केही समुदायमा भय बढेको र यसकै परिणामस्वरूप मृत्युका घटना भएको उल्लेख छ।
चार बीएलओको अत्यधिक कार्यभारका कारण मृत्यु:
बनर्जीले आरोप लगाइन् कि गणना तथा अद्यावधिक कार्यका क्रममा बढ्दो कार्यभार र मानसिक दबाबका कारण चार बीएलओको मृत्यु भएको छ।
सरकारले तीमध्ये दुई परिवारलाई पहिल्यै सहयोग उपलब्ध गराइसकेको र बाँकी परिवारलाई चाँडै रकम प्रदान गरिने उनले बताइन्।