कोहलीको ५२औं शतक

राँची: भारतले चरम रोमाञ्चक पहिलो वनडे इण्टरनेशनल क्रिकेट म्याचमा दक्षिण अफ्रिकालाई १७ रनले पराजित गरी ३ वटा म्याचको सीरीजमा १-०-को बढ़त हासिल गऱ्यो। भारतको यस जीतमा दिग्गज ब्याटर विराट कोहली (१३५ रन)-को महत्त्वपूर्ण योगदान रह्यो, जसले यस प्रारूपमा आफ्नो करियरको ५२औं शतक बनाए। उनले १२० बल खेलेर ११ वटा चौका र ७ वटा छक्का लगाए। भारतले जएससीए इण्टरनेशनल क्रिकेट स्टेडियममा टस हारेर पहिला ब्याटिंग गर्दै ५० ओभरमा ८ विकेट गुमाएर ३४९ रन बनायो। कोहली बाहेक भारतको निम्ति रोहित शर्मा र कप्तान केएल राहुलले अर्द्धशतक बनाए। रोहितले ५ वटा चौका र ३ वटा छक्काको साथ ५७ रन बनाए। यसरी राहुलले ३ वटा छक्का र २ वटा चौकाको सहायताले ५६ बलमा ६० रन बनाए। रविन्द्र जडेजाले ३२ रन बनाए। यशस्वी जयसवाललाई शुरुमै गुमाएपछि रोहित र कोहलीले दोस्रो विकेटको निम्ति १३६ रनको पार्टनरशीप गरे। दक्षिण अफ्रिकी बलरहरूमा मार्को यानसन, ओटनेल बार्टम्यान, कोर्बिन बश र नान्द्रे बर्गरले २-२ विकेट हासिल गरे। जवाफमा ३५० रनको लक्ष्यलाई पीछा गर्दै दक्षिण अफ्रिकाले खराब शुरुवातपछि म्याथ्यू ब्रिट्ज्के (७२), मार्को यानसन (७०) र कोर्बिन बश (६७ रन)-को अर्द्धशतकपछि पनि ४९.२ ओभरमा अलआउट हुन अघि ३३२ रन मात्र बनाउन सक्यो। यानसनले ३९ बलल खेलेर ८ वटा चौका र ३ वटा छक्का लगाए। यसरी ब्रिट्जकेले ८० बलको सामना गरी ८ वटा चौका र एउटा छक्का लगाए। टीमको निम्ति अन्तसम्म लड़ाइँ गरेर भारतको चिन्ता बढ़ाउने बशले ५१ बलको सामना गरी ५ वटा चौका र ४ वटा छक्का लगाए। यसरी टोनी डी जोर्जीले ३९ र डेवाल्ड ब्रेविसले ३७ रनको योगदान दिए।

यसरी एक समय ११ रनमै ३ विकेटको पतनपछि पनि दक्षिण अफ्रिकाले अन्तसम्म लड़ाइँ गरेर म्याचलाई रोचक बनायो। भारतीय बलरहरूमा कुलदीप यादवले ४ र हर्षित राणाले ३ विकेट लिए। यसरी अर्शदीप सिंहको खातामा २ विकेट रह्यो।