गेजिङ: याङथाङ निर्वाचन क्षेत्र अन्तर्गत दराप-नम्बु जीपीयूका ९० लाभार्थीलाई आज घर उन्नयनका लागि प्रथम चरणको चेक वितरण गरियो। क्षेत्र विधायक तथा मन्त्री भीमहाङ लिम्बूको बाहुलीद्वारा लाभार्थीहरूलाई २०-२० हजार रूपियॉंको चेक प्रदान गरियो।यस अवसरमा गेजिङका खण्ड विकास अधिकारी विजय सुब्बा, पञ्चायत सभापति, सदस्यहरू र जनसाधारण उपस्थित थिए।मन्त्री लिम्बूले वर्तमान सरकारको नीति अन्तर्गत लाभार्थीहरूलाई यसरी चेक वितरण गर्ने कार्यक्रम गरिएको बताए। उनले आगामी दिनहरूमा पनि खॉंचोमा रहेका व्यक्तिहरूलाई यसरी सुविधाहरू वितरण गरिने आश्वासन दिए।