काेलकत्ता: आईपीएल २०२६-को निम्ति खेलाड़ीहरूका लिलामी अघि वेष्ट इण्डिजका स्टार अलराउण्डर आन्द्रे रसेलले आईपीएलबाट सन्न्यासको घोषणा गरेका छन्। रसेललाई लिलामी अघि काेलकत्ता नाइट राइडर्स (केकेआर)-ले टीमबाट रिलीज गरेको थियो अनि लिलामीमा उनको नाममा ठूलो बोली लाग्ने सम्भावना थियो तर यस स्टार अलराउण्डरले टुर्नामेण्टबाट बिदा लिएका छन्। आईपीएलको आउँदो सीजनको निम्ति खेलाड़ीहरूका मिनी लिलामी अबु धाबीमा १६ दिसम्बरमा हुनेछ। ३७ वर्षीय रसेल २०१४-देखि केकेआर फ्रेञ्चाइजीको अभिन्न अंग रहेका थिए तर अब उनलाई टीममा अलग भूमिकामा देखिनेछ। रसेल केकेआर-को कोचिंग स्टाफको हिस्सा हुनेछन् अनि उनलाई पावर कोच नियुक्त गरिएको छ। केकेआर-द्वारा रसेललाई रिलीज गर्ने फसेला आश्चर्यजनक थियो तर अहिले उनले आईपीएलबाट सन्न्यास लिएर सबैलाई चकित बनाएका छन्। रसेलले एक्स-मा लेखेका छन्, म आईपीएलबाट सन्न्यास लिइरहेको छु। आईपीएलको यात्रा असाधारण रह्यो। १२ सालको यादहरू अनि केकेआरबाट प्राप्त भएको मायालाई कहिले भुल्ने छुइनँ। म विश्वका अन्य लीगहरूमा अब पनि छक्का लगाउनेछु अनि विकेट लिनेछु। सबैभन्दा राम्रो कुरा म घर छोड़ेर गइरहेको छुइनँ। तपाईंहरूले मलाई नयाँ भूमिकामा देख्नु हुुनेछ। केकेआर-को सहायक स्टाफको रूपमा २०२६-मा म पावर कोच हुनेछु। नयाँ अध्याय तर त्यही ऊर्जा। सदा नाइटको हिस्सा।
सपोर्ट स्टाफमा सामेल भएर रसेलले क्यारेबियन टीमका अन्य एक दिग्गज टी२० क्रिकेटर कायरन पोलार्डको पदचिन्ह पहिल्याएका छन्। पोलार्डले पनि आईपीएलबाट सन्न्यास लिएपछि मुम्बई इण्डियन्समा ब्याटिंग कोचको रूपमा काम गरिरहेका छन्। रसेलले २०१२-देखि आईपीएलको एउटा सीजन पनि छोड़ेनन्। आफ्नो शुरुवाती २ वटा सीजन दिल्ली फ्रेञ्चाइजीबाट खेलेर उनी २०१४-मा केकेआर आएका थिए। आफ्नो ब्याट र बलको साथ कुनै पनि म्याचको रंग बद्लिन सक्षम रसेलले आईपीएलमा १४० वटा म्याच खेलेर १७४.१८-को स्ट्राईक रेटले २६५१ रन बनाए। यसको साथमा उनले १२३ विकेट पनि हासिल गरे।