गान्ताेक: सिक्किम पब्लिक सर्विस कमिशन (एसपीएससी) द्वारा आयोजित सब-इन्स्पेक्टर परीक्षा विवादको घेरामा परेको छ। राज्यका विभिन्न राजनीतिक दलहरूले परीक्षामा धाँधली, भाइभतीजावाद, परिवारवाद र पार्टी हस्तक्षेप भएको आरोप लगाउँदै सिक्किम सरकारको तीव्र आलोचना गरिरहेका छन्।
यसैबीच भारतीय जनता पार्टी (भाजपा) सिक्किमले पनि एसपीएससीको परीक्षा प्रक्रियाबारे आरटीआई दर्ता गरेको छ। प्रदेश भाजपाले परीक्षाको चयन प्रक्रिया, केही उम्मेदवारहरू र पारदर्शितासम्बन्धी गम्भीर प्रश्न उठाएको छ। पार्टीले युवाहरूको पक्षमा उभिएर एसपीएससीबाट पूर्ण पारदर्शिता सुनिश्चित गर्न सरकारसँग माग गरेको छ।