नयाँ दिल्ली: भारतले कनाडालाई १४-३-ले पराजित गरी पूलमा शीर्ष स्थान हासिल गर्दै सुल्तान अजलान शाह कप २०२५ पुरुष हकी टुर्नामेण्टको फाइनलमा प्रवेश गऱ्यो। मलेशियाको इपोहमा जारी टुर्नामेण्टअन्तर्गत शनिवार खेलिएको म्याचमा जुगराज सिंहले ४ गोलको साथ उत्कृष्ट प्रदर्शन गरी टीमलाई जीत दिलाए। भारतले टुर्नामेण्टमा एकमात्र बेल्जियमविरुद्ध हारको सामना गर्नु पऱ्यो तर न्यूजील्याण्डविरुद्ध ३-२-को रोमाञ्चक जीतले टोलीको मनोबल बढ़ायो। भारतको निम्ति म्याचमा जुगराजले १२औं, २६औं, ३९औं र ५०औं मिनटमा गोल गरे। यसबाहेक राजिन्दर (१०औं र २४औं मिनट), अभिषेक (५७औं र ५९औं मिनट) र अमित रोहिदास (१५औं र ४६औं मिनट) ले २-२ गोल गरे। यसरी नीलकन्ता शर्माले चौथो, दिलप्रीत सिंहले २५औं र सेल्वम कार्थीले ४३औं मिनटमा गोल गरे। म्याच सम्पूर्ण रूपले एकतर्फी रह्यो अनि कनाडाले पूरा म्याचमा चल्मलाउने मौका पाएन। भारतले अब आइतवार खेलिने फाइनलमा बेल्जियमको सामना गर्नेछ।