स्थानीयले प्रमुख कार्यपाल अनित थापाप्रति कृतज्ञता व्यक्त

दार्जिलिङ: तकदाह–ग्लेनवर्ण समष्टि अन्तर्गत मानेडाँडा ग्राम पञ्चायत संसद् नम्बर २ मा माल्तुमदेखि दश नम्बरसम्मको सडक निर्माण कार्यको शिलान्यास एक भव्य कार्यक्रमबीच सम्पन्न भएको छ। यो परियोजनाले स्थानीय बासिन्दाहरूलाई विकासको नयाँ ढोका खोलेको छ भने क्षेत्रीय समृद्धिमा महत्वपूर्ण योगदान पुर्‍याउने अपेक्षा गरिएको छ।
कार्यक्रममा खरसाङ महकुमा महासचिव तथा एमओडी सभासद प्रणाम रसाईली, समष्टि पर्यवेक्षक तथा सूचना तथा प्रचार अधिकारी (पीआरओ) विज्ञान मिश्र, रङली रङलियट खण्डका कार्यकारी अभियन्ता स्वर्णीम थापा र मानेडाँडा ग्राम पञ्चायतकी प्रधान पासाङकीत लेप्चाले संयुक्त रूपमा शिलान्यास गरेका थिए। समष्टि उपाध्यक्ष प्रभाकर गुरुङको सभापतित्वमा सम्पन्न उक्त कार्यक्रमको सुरुवात पास्टर ज्युको बाइबल वाणी र आशीर्वादबाट भएको थियो।

कार्यक्रममा समष्टि महासचिव सुशोभित गुरुङ, केन्द्रीय समिति सदस्य सन्जय सुब्बा, समष्टि सल्लाहकार श्री पदम गुरुङ, मानेडाँडा ग्राम खण्ड सभापति बिजय राई तथा सचिव प्रतिम राई, समष्टि युवा शक्ति सभापति मणिकुमार राई, सिग्रीम्ताम ग्लेनवर्ण खण्ड स्तरीय सभापति अजित राई तथा सचिव जीवन थुलुङ, समष्टि युवा शक्ति उपाध्यक्ष सुदिप नन्दी, समष्टि कोषाध्यक्ष धिराज राई लगायतका नेताहरूको उपस्थिति रहेको थियो। यसैगरी, मानेडाँडा ग्राम पञ्चायतका संसद् सदस्यहरू प्रणय राई र रोशनी तामाङ, सिग्रीम्ताम उप–प्रधान प्रवीण राई, पञ्चायत समितिका सदस्यहरू राजेश सुब्बा र सुरेखा चाम्लिङ, सिंग्रीम्ताम खण्ड समिति सह–सचिव विनोद सुब्बा, मानेडाँडा खण्ड समिति संगठन सचिव राकेश रामुदामु, शाखा सभापति जय कुमार कुलुङ तथा सचिव पूर्ण बहादुर थापासहित समाजका वरिष्ठ सदस्यहरू र स्थानीय सर्वसाधारणको पनि उल्लेख्य सहभागिता थियो। कार्यक्रममा स्वागत मन्तव्य मानेडाँडा उप–प्रधान नथिनियल लेप्चाले प्रस्तुत गरेका थिए भने सम्पूर्ण कार्यक्रमको सफल सञ्चालन मानेडाँडा ग्राम खण्ड स्तरीय सचिव प्रतिम राईले गरेका थिए। स्थानीय बासिन्दाहरूले प्रमुख कार्यपाल अनित थापाप्रति विशेष धन्यवाद ज्ञापन दिँदै उनको अथक प्रयास, लगनशीलता, निरन्तर पहल र कुशल नेतृत्वका कारण यो विकास परियोजना सम्भव भएको बताएका छन्। एक स्थानीयले भने, “उहाँको पहलले हामीले विकासका नयाँ ढोका खोल्न सफल भयौं, यसका लागि हामी सधैं कृतज्ञ रहनेछौं।”