गान्तोक: म्याराथन म्यान अफ सिक्किमको रूपमा परिचित धावक अमर सुब्बा आज हैदराबाद प्रस्थान गरेका छन्, जहाँ उनी ‘स्टेडियम रन २०२५’ मा भाग लिनेछन्। उक्त कार्यक्रम आगामी २९ नोभेम्बर साँझ ६ बजेदेखि सुरु भएर ३० नोभेम्बर साँझ ६ बजे (१२ घण्टा) सम्म चल्नेछ।
यसपाली धावक सुब्बाले चौथो पटक १२ घण्टे स्टेडियम रनमा सहभागिता जनाउनेछन्। उनले यस चुनौतीपूर्ण दौडमा पहिलोपटक २०१४ मा भाग लिएर तेस्रो स्थान हासिल गरेका थिए। त्यसपछिका दौडमा, दोस्रो पटक २०२२ मा दोस्रो स्थान, र २०२३ मा पहिलो स्थान हासिल गर्दै आफ्नो उत्कृष्ट प्रदर्शन देखाएका छन्।
धावक सुब्बाले यसपाली दुई वर्षको विश्रामपछि पुनः स्टेडियम रनमा भाग लिँदै अल्ट्रा रनिङप्रति आफ्नो व्यक्तिगत लगाव मात्र होइन, राष्ट्रिय मञ्चमा सिक्किमको प्रतिनिधित्व गर्ने प्रतिबद्धता पनि देखाउने बताएका छन्।
उनी भवन तथा आवास विभाग मन्त्री भीमहाङ लिम्बू, देन्ताम पर्यटन विकास समाज र जय लक्ष्मी इन्टरप्राइज, दरापप्रति समर्थनको लागि आभार प्रकट गरेका छन्। यस चुनौतीका लागि सिक्किमवासीहरूले पनि उनलाई शुभकामना दिएका छन्।