दोहा (कतर): पोर्तुगलले फिफा अण्डर-१७ वर्ल्ड कपको खिताब जित्यो। यस आयु वर्गको टुर्नामेण्टअन्तर्गत खेलिएको फाइनलमा पोर्तुगलले अष्ट्रियालाई १-०-ले पराजित गऱ्यो। यसको साथै पोर्तुगीच टीम पहिलोपल्ट टुर्नामेण्टमा च्याम्पियन बन्न सफल भयो। जम्मा ४८ वटा देशले हिस्सा लिएको यस टुर्नामेण्टको फाइनलमा च्याम्पियन टीमको निम्ति एकमात्र गोल बेनफिकाका फरवर्ड अनीसियो केब्रालले ३२औं मिनटमा गरे। यसअघि खेलिएको तेस्रो स्थानको म्याचमा इटलीले ब्राजीललाई पेनल्टी शूटआउटमा ४-२ (०-०)-ले पराजित गऱ्यो। फीफा अण्डर-१७ वर्ल्ड कपको यो २०औं संंस्करण थियो। फिफाले यस टुर्नामेण्टलाई हरेक २ सालको सट्टा प्रत्येक वर्ष आयोजन गर्छ।