मुम्बई: दिग्गज फूटबलर डेविड बेकहम अहिले यूनिसेफको कार्यक्रमअन्तर्गत भारत यात्रामा रहेका छन् अनि यो यात्रा उनको निम्ति यादगार क्षणहरूले भरिएको रहेको छ। बेकहमले इन्स्टाग्राममा आफ्नो भारत यात्रासँग सम्बन्धित धेरै तस्वीर र भीडियोहरू शेयर गरेका छन्। त्यसमा उनले भारतीय परम्परा, भोजन र मानिसहरूका न्यानो स्वागतको मन खोलेर सराहना गरेका छन्। पहिलो भीडियोमा उनलाई पारम्परिक आरती र फूलहरूको वर्षाबीच मुस्कुराइरहेको देखियो। उनले पोस्टमा लेखेका छन्, तपाईंहरू सबैको आतिथ्यले मनलाई छुयो…..पारम्परिक स्वागतको निम्ति धन्यवाद। दालको चाट बनाउनु सिक्नु मेरो निम्ति एउटा नयाँ र चाखलाग्दो अनुभव रह्यो। मुम्बईमा म केही असाधारण यादहरू बनाउन गइरहेको छु। अन्य एउटा भीडियोमा उनलाई मुम्बईमा नानीहरूसँग फूटबल खेलिरहेको देखिएको छ। नानीहरूसँग समय बिताएपछि उनले लेखेका छन्, मुम्बईमा यी अद्भूत नानीहरूसँग मैदानमा फर्किनु असाधारण अनुभव रह्यो। विश्वको कुनै पनि कुनामा फूटबलले नानीहरूका मुहारमा मुस्कान ल्याउँछ।