सिडनी: अष्ट्रेलियन ओपन सुपर ५०० ब्याडमिण्टन टुर्नामेण्टमा भारतीय शट्लर लक्ष्य सेनले असाधारण प्रदर्शन गर्दै पुरुष एकलको सेमिफाइनलमा स्थान बनाए। उनले आफ्नै देशका युवा खेलाड़ी आयुष शेट्टीलाई सीधा गेममा २३-३२, २१-११-ले पराजित गरे। सातौं वरीयता प्राप्त लक्ष्यले यस साल पहिला पनि हंगकंग ओपनमा शेट्टीलाई यसै चरणमा पराजित गरेका थिए। यस जीतले लक्ष्यको फर्म र आत्मविश्वास दुवैलाई मजबूती प्रदान गर्नेछ कारण यस सीजनमा उनले कुनै खिताब जित्न सकेका छैनन्। सेमिफाइनलमा लक्ष्यको सामना टुर्नामेण्टमा दोस्रो वरीयता प्राप्त चोउ तियेन चेनसँग हुनेछ। चेन वर्तमानमा विश्व ऱ्याङकिंगमा नवौं स्थानमा रहेका छन् अनि २०१८-को एशियन गेम्समा रजत पदक विजेता रहिसकेका छन्। उनले रोमाञ्चक म्याचमा फरहान अल्वीलाई १३-२१, २३-२१, २१-१६-ले पराजित गरे। पुरुष एकलमा लक्ष्य एकमात्र भारतीय खेलाड़ी बाँचेका छन् कारण एचएस प्रणय र किदाम्बी श्रीकान्त अगावै पराजित भइसकेका छन्। पुरुष युगलमा चाहिँ भारतलाई ठूलो झट्का लाग्यो। सात्विकसाईराज रंकीरेड्डी र चिराग शेट्टीको जोड़ीले इण्डोनेशियाका फजर अल्फियन र मुहम्मद शोहिबुल फिकरीको पाँचौं वरीयता प्राप्त जोड़ीविरुद्ध २१-१९, २१-१५-ले हारको सामना गर्नु पऱ्यो।