सिलगढ़ी: सिलगढ़ी स्पेशल टास्क फोर्स (एसटीएफ) ले ५७ किलोग्राम गाँजा सहित दुई जनालाई पक्राउ गरेको छ। पक्राउ पर्नेहरू मोहम्मद इफ्तिखार र मोहम्मद परवेज रहेका छन्, दुवैजना बिहारको अररिया जिल्लाका निवासी भएको प्रहरीले जनाएको छ।
गुप्त सूचनाको आधारमा गरिएको अपरेसनअन्तर्गत एसटीएफले सिलगढ़ी–जलपाईगुडी नेशनल हाइवेमा पर्ने फाटापुकुर टोलगेट नजिकै शुक्रवार एक पिकअप भ्यान रोकेर जाँच गरेको थियो। जाँचका क्रममा भ्यानमा राखिएका तीनवटा बोराबाट करिब ५७ किलोग्राम गाँजा फेला परेको प्रहरीले जनाएको छ।
बरामद गरिएको गाँजा कुचबिहारबाट सिलगढ़ी हुँदै बिहार तर्फ लैजाँदै गरिएको प्रारम्भिक अनुसन्धानले देखाएको छ। पक्राउ परेका दुबै तस्करलाई आवश्यक प्रक्रिया पूरा गरी शनिवार जलपाईगुडी अदालतमा पेश गरिने एसटीएफले जनाएको छ।