गान्तोक: केन्द्रिय सतर्कता आयोग (सीभीसी) र भारत सरकारको शिक्षा मन्त्रालयले सिक्किम विश्वविद्यालयको सहकार्यमा २१ नोभेम्बर २०२५ मा चौथो क्षमता अभिवृद्धि कार्यशाला सफलतापूर्वक आयोजना गरेको छ। पीआईबीले आज जानकारी दिएको छ।
कार्यशालाको उद्देश्य सतर्कता जागरूकतालाई मजबुत पार्नु, संस्थागत अखण्डता बढाउनु र उच्च शिक्षा संस्थानहरूमा पारदर्शी शासन प्रवर्द्धन गर्नु थियो।
कार्यशालामा उपकुलपति (प्रभारी) प्रो. अभिजित दत्ता र रजिस्ट्रार (प्रभारी) प्रो. लक्ष्मण शर्मा उपस्थित थिए। उनीहरूले पहलको प्रशंसा गर्दै शैक्षिक संस्थानहरूमा नैतिक शासनको महत्वमाथि प्रकाश पारे।
कार्यशालामा सम विश्वविद्यालय, तेजपुर विश्वविद्यालय, विश्वभारती, गुरु घासीदास केन्द्रीय विश्वविद्यालय, डा. एचएसजी विश्वविद्यालय, मिजोरम विश्वविद्यालय, ओडिशा केन्द्रिय विश्वविद्यालय, एनआईटीटीटीआर कोलकाता, एनआईटीटीआर चण्डीगढ़, एनआईटी सिक्किम, एनआईटी जमशेदपुर, एनआईटी अरुणाचल प्रदेश, एनआईटी मिजोरम, एमएनआईटी जयपुर, आईआईटी भुवनेश्वर, आईआईटी गुवाहाटी, एनईआरआईएसटी अरुणाचल प्रदेश, आईआईएम शिलङ, आईआईएसईआर बरहमपुर, आईआईआईटी गुवाहाटी, आईसीएचआर र राजीव गान्धी विश्वविद्यालय, अरुणाचल प्रदेशलगायत विभिन्न संस्थानहरूको सहभागिता रहेको थियो।
कार्यशालाका सत्रहरू सीभीसीका प्रख्यात स्रोतवक्ताहरूले सञ्चालन गरेका थिए। निर्देशक मधु शर्माले सतर्कता कार्य, सीभीसी ऐन र नीतिगत दिशानिर्देशहरूको विस्तृत व्याख्या दिइन् भने प्राविधिक परीक्षक प्रदीप खटानाले खरिद, जीएफआर, एसओपी र केस-आधारित अन्तरक्रियात्मक सत्र सञ्चालन गरे।
कार्यशाला आकर्षक प्रतिक्रिया सत्रसहित समाप्त भएको थियो, जसले संस्थाहरूमा नैतिक अभ्यास कायम राख्न र सतर्कता संयन्त्रहरूलाई बलियो बनाउन प्रतिबद्धतालाई सुदृढ़ पारे।