खरसाङ: खरसाङ नगरपालिकाद्वारा खरसाङ शहरकोे पिउने पानीकोे समस्या समाधान हेतु अमृत २.० परियोजना जसले सम्पूर्ण खरसाङ शहरकोे दीर्घकालीन पानीकोे समस्या सामाधान हुने बताइएको छ। यो परियोजना पूरा भएपछि घर घरमा पानी पुग्ने आशा गरिएको छ। तस परियोजनाकोे शिलान्यास कार्यक्रम शनिवार खरसाङको मन्टिभियटमा जीटीएका मुख्य कार्यपाल तथा भारतीय गोर्खा प्रजातान्त्रिक मोर्चाका अध्यक्ष अनित थापाद्वारा गरिने भएको छ। उक्त परियोजना लगभग २०० करोड़को लागतमा सम्पन्न हुने भएको जानकारी प्राप्त भएको छ। यस परियोजनालाई सफल तुल्याउनकोे निम्ति खरसाङ नगरपालिकाका उपाध्यक्ष सुवास प्रधान, नगरपालिकाको अधिकारीहरु, कर्मचारीहरु, नगरपालिका कन्ट्याक्टर एसोसिएशनका सदस्यहरु, भारतीय गोर्खा प्रजातान्त्रिक मोर्चा खरसाङ महकुमा समितिको पदाधिकारीहरु, टाउन कमिटी, युवा शक्तिका पदाधिकारीहरु सबै मिलेर आज खरसाङ बजार मा अमृत २.० कोे महत्त्व विषयमा जानकारीसंगै शिलान्यासकाे निम्ति सबै सबैलाई निमन्त्रणा वितरण गरेको जानकारी प्राप्त भएको छ।

यस विषयमा पत्रकारहरुसित कुराकानी गर्दै युवा शक्ति खरसाङ महकुमा समितिको सभापति प्रेमेन्द्र गुरूङ र खरसाङ टाउन कमिटीका सचिव बीरबल पाख्रिनले विस्तृत रुपमा जानकारी गराएका छन्।