कोलकाता: विदेशमा रोजगारी दिने नाममा कोलकातामा बोलाएर बेरोजगार युवालाई अपहरण गर्ने गरिन्थ्यो। त्यसपछि उनीहरुलाई रिहा गरेबापत उनीहरुको परिवारबाट प्रतिव्यक्ति ४० लाख रुपियाँ फिरौती लिने गरेका थिएl महानगरमा सक्रिय रहेको यस्तै एउटा गिरोहलाई विधाननगर कमिश्नरेटको नेताजी सुभाषचन्द्र बोस अन्तर्राष्ट्रिय विमानस्थल पुलिस थानाले विमानस्थलको सीआईएसएफ कर्मचारीको सहयोगमा पर्दाफास गरेको छ। पुलिसले घटनामा अन्तर्राष्ट्रिय गिरोहका तीन सदस्यलाई पक्राउ गरेको छ। अभियुक्तहरुको नाम सुरेश प्रसाद सिन्हा, राकेश सिन्हा र धीरज दास रहेका छन्।

तीनैजना दमदम र विमानस्थल क्षेत्रका बासिन्दा हुन्। जसमध्ये सुरेश र राकेश दाजुभाइ हुन्। यी व्यक्तिहरू ठूलो अन्तर्राष्ट्रिय गिरोहका सदस्य रहेको बताइएको छ। यस गिरोहका सदस्य देशका विभिन्न राज्य र विभिन्न देशमा रहेका छन्। पुलिसले अभियुक्तको सूचनामा न्यूटाउनको फ्ल्याटबाट १८ जना युवकहरुलाई उद्धार गरेको छ। उनीहरुलाई विदेश पठाउने नाममा बन्धक बनाएर राखिएको थियो। उनीहरुको परिवारबाट पनि लाखौं रुपियाँ लिएको थियो।

पुलिसका अनुसार यस गिरोहका सदस्यहरूले चालक अपराधी सरह सबै घटना गराइरहन्थे। यसअघि यी मानिसहरूले हरियाणा र पञ्जाबका युवाहरूलाई अमेरिका र क्यानडामा नोकरी दिलाउने गरी सम्झौता गर्ने गरेका थिए। ४० देखि ५० लाखमा सम्झौता हुन्थ्यो। युवाहरु गन्तव्य तर्फ लाग्दा रकम तिर्नुपर्ने उनीहरुका परिवारले बताए। यसअन्तर्गत ठगहरूले पहिले दिल्लीबाट युवाहरूलाई कोलकाता ल्याउँथे। कोलकाता आएपछि उनीहरुलाई अपहरण गरी फ्ल्याटमा थुन्ने गर्थे। त्यसपछि परिवारलाई दोहा र कतारको बोर्डिङ पास पठाएर पहिलो किस्ताको पैसा लिने गरेको थियो। त्यसपछि मेक्सिको उडानको टिकटको तस्वीर पठाएर दोस्रो किस्ता लिन्थे। पछि म्याक्सिल्कोको लाइभ लोकेशन सेयर गरेर विदेशबाट आएका युवाका परिवारसँग कुराकानी गर्थे। अन्तमा अन्तिम किस्ताको समयमा युवाहरूबाट जबरजस्ती भिडियो सन्देशहरू बनाइन्थ्यो। त्यसमा युवाहरुले अमेरिका पुगेर नोकरीमा गएको बताए। साधारण रुपमा फोनमा कुरा गर्न सोध्दा परिवारका सदस्यलाई कम्पनीको नियमविपरीत भएको भनिन्थ्यो। विश्वास जित्न, भिडियो रेकर्ड गरी पठाइन्थ्यो। यस्तो अवस्थामा आफन्तबाट परिवारबाट  ४० देखि ४८ लाख रुरुपियाँ उठाएर युवकहरुलाई छाड्ने गर्थे। यो सम्पूर्ण प्रक्रियामा यस गिरोहका सदस्यहरूले युवाहरूलाई १५ देखि ४० दिनसम्म थुनामा राख्थे। विरोध गर्ने युवकहरुलाई यातना दिइन्थ्यो। यस मोड्स अपरेन्डी मार्फत ठगहरूले हरियाणाका एक युवकलाई अपहरण गरी परिवारका सदस्यहरूबाट ४० लाख रुपियाँ फिरौती लिए। आरोपितले राहुलका पिताको बोर्डिङ पास विभिन्न एयरपोर्टमा पठाएको आरोप छ। यससँगै उनले आफू विदेश पुगेको निश्चित होस् भनेर विदेश नम्बर मार्फत राहुलसँग कुरा गराए तर अन्ततः सबै पैसा तिरेपछि राहुललाई अपहरण गरी कोलकातामा राखिएको थाहा भयो। उनको उजुरीका आधारमा विधाननगरको विमानस्थल पुलिस थानाले गिरोहका तीनजनालाई पक्राउ गरेको छ।