नयाँ दिल्ली: भारतका दिग्गज क्रिकेटर रोहित शर्माले आईसीसी वनडे ब्याटरहरूका ऱ्याङकिंगमा शीर्ष स्थान गुमाएका छन्। पूर्व कप्तान रोहित अष्ट्रेलियाविरुद्ध अन्तिम वनडे म्याचमा अविजित शतकको साथ यस प्रारूपका शीर्ष ब्याटर बनेका थिए तर ताजा अपडेटमा उनलाई पछि छोड़ेर न्यूजील्याण्डका डेरिल मिचेल नम्बर एक ब्याटर बनेका छन्। जसप्रीत बुमराहले चाहिँ टेस्ट बलरहरूका ऱ्याङकिंगमा आफ्नो शीर्ष स्थान कायम राखेका छन्। वेष्ट इण्डिजविरुद्ध पहिला वनडे म्याचमा शतक (११९ रन) बनाउने मिचेल १९७९ मा ग्लेन टर्नरपछि पुरुष वनडे ब्याटरहरूका ऱ्याङकिंगमा शीर्ष स्थानमा पुग्ने न्यूजील्याण्डका पहिलो खेलाड़ी बनेका छन्। उनले ताजा ऱ्याङकिंगमा अफगानिस्तानका इब्राहिम जादरान र रोहितलाई पछि छोड़ेका छन्। पाकिस्तानका पूर्व कप्तान बाबर आजमले श्रीलंकाविरुद्ध अविजित १०२ रन बनाएर छैटौं स्थान हासिल गरेका छन्। यसरी बलरहरूका पाकिस्तानका स्पिनर अबरार अहमद करियरको सर्वश्रेष्ठ नवौं स्थानमा पुगेका छन्। बुमराहले ईडन गार्डन्समा असाधारण प्रदर्शनको साथ टेस्ट बलरहरूका ऱ्याङकिंगमा शीर्ष स्थान आफूसँग कायम राखेका छन्। उनले दक्षिण अफ्रिकाको पहिलो ईनिंग्समा ५ विकेटसहित म्याचमा जम्मा ६ विकेट लिएका थिए। भारतीय स्पिनर कुलदीप यादव र रविन्द्र जडेजालाई पनि फाइदा भएको छ। कुलदीप करियरको सर्वश्रेष्ठ १३औं अनि जडेजा १५औं स्थानमा पुगेका छन्। दक्षिण अफ्रिकाका स्पिनर साइमन हार्मर पनि करियरको सर्वश्रेष्ठ २४औं स्थानमा पुगेका छन्। उनले कलकत्ता टेस्ट म्याचमा ८ विकेट लिएका थिए। पुरुष टी२० इण्टरनेशनल ब्याटरहरूका ऱ्याङकिंगमा न्यूजील्याण्डका टिम रबिन्सन ८ स्थान अघि बढेर करियरको सर्वश्रेष्ठ १५औं स्थानमा पुगेका छन्। यसरी पेस बलर जेकब डफी तेस्रो स्थानबाट दोस्रो स्थानमा पुगेका छन्।