सिङताम: खाद्य तथा नागरिक आपूर्ति विभाग अन्तर्गत लिगल मेट्रोलोजी यूनिट र उपभोक्ता संरक्षण प्रकोष्ठले आज सिङताम खाद्य गोदाम नजिकै राज्यको पहिलो सवारी साधन ट्याङ्क क्यालिब्रेसन स्टेशनको औपचारिक उद्घाटन गरेको छ।
उद्घाटन कार्यक्रममा राज्य खाद्य तथा नागरिक आपूर्ति विभाग एवं शहरी विकास विभाग मन्त्री भोजराज राई तथा विभागीय वरिष्ठ अधिकारी र कर्मचारीहरू उपस्थित थिए।
नयाँ क्यालिब्रेसन स्टेशनको मुख्य उद्देश्य मापनको शुद्धता सुनिश्चित गर्नु, निष्पक्ष व्यापार अभ्यास प्रवर्द्धन गर्नु र उपभोक्ता सुरक्षामा वृद्धि गर्नु हो। इन्धन ट्याङ्कर र अन्य तरल पदार्थ बोकेका सवारी साधनहरूको सही क्षमता प्रमाणित गर्न क्यालिब्रेसन आवश्यक हुन्छ, जसले आवश्यक वस्तुहरूको ढुवानी र वितरणको क्रममा मात्रा सम्बन्धी विसंगतिहरू रोक्न सहयोग पुर्‍याउँछ।
सिक्किमभित्र अब यस अत्याधुनिक सुविधाको सञ्चालनमा आएसँगै लिगल मेट्रोलोजी यूनिटले मापन निरीक्षण र मापदण्डहरूको कार्यान्वयन अझ प्रभावकारी रूपमा गर्न सक्षम हुनेछ। यसले बाह्य क्यालिब्रेसन केन्द्रमा निर्भरता कम गर्नेछ। विभागले पारदर्शिता प्रवर्द्धन, उपभोक्ता हितको संरक्षण र नियामक पूर्वाधार सुधार गर्ने प्रतिबद्धता पुनः दोहो¥याएको छ।