मालदा: मोथाबाड़ी थाना क्षेत्रमा पाँच दिनदेखि बेपत्ता रहेकी पाँच वर्षीय बालिकाको शव स्थानीय जलाशयमा फेला परेको छ। शव मंगलवार अपरान्ह उद्धार गरी पोस्टमर्टमका लागि पठाइएको छ।
पुलिसका अनुसार मृत बालिकाका पिता मनोज मण्डल उत्तर लक्ष्मीपुर ग्राम पञ्चायतको लीला रामटोला क्षेत्रका बासिन्दा हुन्। गत शुक्रबार बालिकाको परिवार खेतमा काम गर्न गएका थिए, बालिका पनि उनीहरूसँगै थिइ। तर साँझको समयमा बालिका खेतबाट एक्लै घर फर्किने क्रममा हराइन्।
परिवारको सिकायतपछि मोथाबाड़ी थानाले खोजी अभियान शुरु गरेको थियो। मुर्शिदाबादबाट डग स्क्वायड बोलाएर गाउँका हरेक कुना, खेत, बगान, तलाउ किनार तथा मार्गहरूमा खोजी गरिएको थियो।
स्थानीय स्रोतका अनुसार, मंगलवार अपराह्न गाउँकै एकजना मानिसको घर नजिकको जलाशयमा बालिकाको शव तैरिरहेको देखियो। पुलिस घटनास्थल पुगेर शव उद्धार गरी पोस्टमर्टमका लागि पठाएको छ।
घटनाले गाउँमा भय फैलाएको छ। स्थानीयले बताएका छन् कि बालिकाको परिवारसँग कसैसँग शत्रुता थिएन। पुलिसले अहिलेसम्म हत्या भएको पुष्टि गरेको छैन। बालिकाको मृत्यु डुबेर भएको हो वा अन्य कारणले भएको हो, पोस्टमर्टम रिपोर्ट आएपछि मात्रै स्पष्ट हुनेछ।