कोलकाता: भाजपाका नेता तथा अभिनेता मिथुन चक्रवर्तीले फेरि पनि २१ टीएमसी विधायक आफूसँग सम्पर्कमा रहेको दाबी गरेका छन्। दुर्गा पूजाअघि कोलकाता पुगेका मिथुनले शनिबार भाजपाको कार्यालयमा पत्रकार सम्मेलन गरेका थिए। उनले पत्रकारहरुका अगाडि दावी गरे, ‘२१ टीएमसी विधायक अझै मसँग सम्पर्कमा छन्, मैले यो पहिले पनि भनेको थिएँ र फेरि पनि भन्दैछु। म आफ्नो वचनमा अडिग छु। समयको पर्खाइमा बसl’ मिथुनले टीएमसी नेताहरूलाई भाजपामा सामेल हुनको लागि सामना गरिरहेको कठिनाइहरूको बारेमा पनि बताए। उनले भने, ‘पार्टीको आपत्ति मलाई थाहा छ। तृणमूलका नेताहरूलाई पार्टीमा लैजानेमा आपत्ति छ। धेरै नेताहरुले सडेको आलु नलिने बताउँछन्। मैले त्यही गल्ती नदोहोर्याउने भनेको छुl’
गत वर्ष भएको पश्चिम बङ्गालको विधानसभा चुनाव अघि भाजपामा सामेल भएका मिथुनले जुलाईमा पनि यस्तै गरेका थिए। भाजपाले दुर्गा पूजामा पश्चिम बङ्गालको लागि विशेष योजना बनाएको छ। सोही योजना पूरा गर्न मिथुन चक्रवर्ती कोलकाता पुगेका छन्। पत्रकार सम्मेलनमा मिथुनसँग भाजपा प्रदेश इकाईका अध्यक्ष सुकान्त मजुमदारलगायत अन्य नेताहरू थिए।
About Author
