नयाँ दिल्ली: इटलीका यानिक सिनरले यादगार प्रदर्शन गर्दै स्पेनका स्टार खेलाड़ी कार्लोस अल्काराजलाई पराजित गरी लगातार दोस्रोपल्ट एटीपी फाइनल्सको ट्रफी जिते। आइतवार इटलीको तुरिनमा भएको टुर्नामेण्टको फाइनलमा शीर्ष वरीयता प्राप्त सिनरले विश्वका नम्बर एक खेलाड़ी अल्काराजलाई सीधा सेटमा ७-६ (७-४), ७-५ ले पराजित गरे। सिनरको यस प्रतिष्ठित टुर्नामेण्टमा यो लगातार तेस्रो फाइनल हो अनि उनले लगातार दुईपल्ट खिताब जितेका छन्। यसअघि २०२३ संस्करणको फाइनलमा चाहिँ उनी सर्बियाका नोवाक जोकोविचविरुद्ध पराजित भएका थिए। सिनरले म्याचपछि भने, कार्लोसविरुद्ध खेल्नु सदा मुश्किल रहन्छ अनि आज पनि त्यही भयो। उनी खेलमा पुनरागमन गर्ने सर्वश्रेष्ठ खेलाड़ीहरूमा एक हुन्। म धेरै खुशी छु। यो धेरै कठिन म्याच थियो। ट्रफीको साथ यसरी सीजनको समापन गर्न सकेर म सन्तुष्ट छु। यस जीतको अलग महत्त्व रहेको छ। यस साल यी दुई स्टार खेलाड़ीले २-२ वटा ग्राण्ड स्ल्याम खिताब जिते। यसमा सिनरले अष्ट्रेलियन ओपन र विम्बल्डनको खिताब जिते भने अल्काराज फ्रेञ्च ओपन र यूएस ओपनमा च्याम्पियन बने। एटीपी फाइनल्समा ग्रुप चरणमा ३ वटा जीतपछि अल्काराज फेरि विश्वका नम्बर एक खेलाड़ी बनेका छन्। यसरी अल्काराज शीर्ष स्थानबाट झरेर दोस्रो स्थानमा पुगेका छन्।