खरसाङ: सुंगुर पालनमा रोजगारको अवसर सिर्जना गर्दै युवाहरुको लागि प्रेरणाको स्रोत बनेका छन् तीनधारेको लालमाट्टी निवासी सञ्जय पोर्तेल। युवा सञ्जय पोर्तेलले विगत केही वर्षदेखि यता सुंगुर पालनमा राम्रो आय आर्जन गरेर आफ्नै गाउँ घरमा मेहनत र परिश्रम गरे केही गर्न सकिन्छ र रोजगार आफै सिर्जना गर्न सकिन्छ भन्ने‌ उदाहरण पेश गरेका छन्। तीनधारेको मिठाईडाँडास्थित खेल मैदानदेखि केही मुनिपट्टि रहेको लालमाट्टी गाउँमा रहेको आफ्नै घरमा सञ्जय पोर्तेलले सुंगुर पालन शुरु गरेर रोजगारी बनेका छन्। उनले सुंगुरको चारवटा माऊहरु पालेका छन् जसले वर्षमा दुईपल्ट बच्चाहरु जन्माउँछन् र सुंगुरको बच्चाहरु राम्रै दाममा बिक्री हुने गरेको छ। उनी सुंगुर पालनमा रोजगारी बन्दै युवाहरुको लागि प्रेरणाको स्रोत बनेका छन्। यसको साथै उनले आफ्नै गाउँ घरमा मेहनत र परिश्रम गरेर केही गर्न सकिन्छ भन्ने‌ उदाहरण पनि पेश गरेका छन्। सञ्जय पोर्तेलले बताए अनुसार सुंगुरको बच्चाहरु राम्रै दाममा बिक्री हुने गरेको छ अनि सुंगुरले‌ बच्चा जन्माउन अघि नै सबै बच्चाहरु बुकिङ भएर बिक्क्री हुने गरेको तर उनले बच्चा दुई महिनाको भएपछि मात्र बिक्री गर्ने गरेको र सबै बच्चाहरुलाई भ्याक्सिन गरेर मात्र बिक्री गर्ने गरेको पनि बताएका छन्। उनले सुंगुरको एउटा बच्चा छ हजार रुपियाँमा बिक्री हुने गरेको र आफ्नोमा अहिले २१ वटा सुंगुरको बच्चाहरु रहेको पनि जानकारी गराएका छन्। उनले सुंगुर पालनमा वर्षमा नभनेको पनि पाँचदेखि साँढे पाँच लाखसम्मको आय आर्जन हुने गरेको बताए। उनले अहिले आफ्नोमा ४ वटा सुंगुरको माऊहरु भए पनि १० वटासम्म पाल्ने योजना रहेको किनभने एउटा माऊले १२ देखि १८ वटासम्म बच्चाहरू जन्माउने गरेको जानकारी गराएका छन्। यस हिसाबले सुंगुर पालनमा राम्रो आय आर्जन गर्न सकिने बताएका छन्‌। उनले सुंगुर पालनको व्यवसाय एकदमै मेहनतसाथ सफा‌ ठाउँमा गर्नु पर्ने र यदि गर्दा सुंगुर स्वास्थ्य रहने पनि जानकारी गराएका छन्। आफ्नो सुंगुर पालन विषयमा पत्रकारहरुसित कुराकानी गर्दै सञ्जय पोर्तेलले भने, ‘गाउँ घरमा नै बसेर पनि केही गर्न सकिन्छ। आफ्नोमा‌ मेहनत र परिश्रम गर्ने क्षमता छ भने सुंगुर पालनमा पनि राम्रो आय आर्जन हुने गरेकोले सजिलै रोजगार कमाउन सकिन्छ। युवाहरु काम गर्न बाहिर जान्छन्, विदेशतिर पनि जान्छन् तर आफ्नै ठाउँमा मेहनत र परिश्रम गरे यही रोजगारी कमाउन सकिन्छ।’
उनले सुंगुर पालन विषयमा अघि भने, सुंगुर पालन व्यवसाय पनि युवाहरुको लागि रोजगारीको लागि राम्रो अवसर हो। किनभने सुंगुर पालनमा सुंगुरको बच्चाहरु राम्रै दाममा बिक्री हुने गरेको र बच्चा लगायत मासु पनि राम्रो किसिमले बिक्री हुने गरेको छ। यसले गर्दा युवाहरुले आफ्नो ठाउँमा नै केही गर्न सक्छन्।