लाटपञ्चर: लाटपञ्चर युनाइटेड फूटबल क्लबको तत्त्वावधानमा आयोजित लाटपञ्चर गोल्ड कप २०२५ फूटबल टुर्नामेण्टमा दार्जीलिङ पुलिसले फाइनलमा स्थान बनायो। लाटपञ्चर खेल मैदानमा शुक्रवार भएको दोस्रो सेमिफाइनल म्याचमा दार्जीलिङ पुलिसले दलसिंगपाड़ा स्पोर्ट्स एकाडमी विरुद्ध ४–० ले जीत हासिल गऱ्यो। विजेता टीमको तर्फबाट प्रशान्त राईले सातौँ मिनट, धनराज तामाङले ३४औँ मिनट, अर्पण तामाङले ३५औँ मिनट र ग्याबो शेर्पाले ५१औँ मिनटमा गोल गरे। दार्जीलिङ पुलिस टीमका प्रशान्त राईले प्लेयर अव द म्याच को ट्रफी र नगद पुरस्कार जिते। अब आइतवार खेलिने फाइनलमा दार्जीलिङ पुलिस र नर्थ बेंगल आर्म्ड पुलिसबीच भिड़न्त हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा १.५० लाख रुपियाँको नगद पुरस्कार प्रदान गरिनेछ। यसरी रनरअप हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ।