कराची: इस्लामाबादमा हालै भएको आतंकी हमलापछि पाकिस्तान क्रिकेट बोर्ड (पीसीबी) ले सुरक्षा कारणहरूले गर्दा श्रीलंका र जिम्बाब्वेविरुद्ध हुने टी२० त्रिदेशीय सीरीजको कार्यक्रम र स्थान दुवै बद्लिएको छ। अब सीरीजको शुरुवात १७ नोभेम्बरको बद्ली १८ नोभेम्बरदेखि हुनेछ अनि सबै म्याच रावलपिण्डीमा खेलिनेछ। यसअघि टुर्नामेण्टका ५ वटा म्याच लाहौरमा हुनु थियो, जसमा फाइनल पनि सामेल थियो। अब टुर्नामेण्टका सबै म्याच रावलपिण्डीमा गरिने पीसीबीले पुष्टि गरेको छ। टुर्नामेण्टको फाइनल २९ नोभेम्बरमा खेलिनेछ। पीसीबीले बताएअनुसार, सुरक्षा व्यवस्था र सञ्चालनमा कुनै समस्या नहोस् भनेर यो फसेला श्रीलंका क्रिकेट बोर्ड (एसएलसी) र जिम्बाब्वे क्रिकेट (जेडसी) सँग मिलेर लिइएको छ। पीसीबीले पाकिस्तान र श्रीलंकाबीच जारी अन्तिम २ वटा वनडे म्याचको तारिखहरूमा पनि सामान्य हेरफेर गरेको छ। अब यी २ वटा म्याच शुक्रबार र आइतबार रावलपिण्डीमा खेलिनेछ जबकि पहिलो यो १३ र १५ नोभेम्बरमा निर्धारित थियो। इस्लामाबादमा भएको आत्मघाती हमलापछि श्रीलंकाई टीमका ८ जना खेलाडीले सुरक्षालाई लिएर चिन्ता व्यक्त गरेका थिए। पछिबाट श्रीलंका बोर्ड अध्यक्ष शम्मी सिल्वा र पाकिस्तानमा श्रीलंकाका उच्चायुक्तले खेलाडीहरूसँग कुराकानी गरेर सुरक्षाको भरोसा दिलाए। त्यसपछि टीम म्यानेजर महिन्दा हालंगोडाले कुनै पनि खेलाडी नफर्किने अनि टीमले पाकिस्तानमै सीरीज पूरा गर्ने पुष्टि गरे।