काहिरा: युवा भारतीय शूटर सम्राट राणाले आईएसएसएफ वर्ल्ड च्याम्पियनशीपमा पुरुषहरूका १० मीटर एयर पिस्टल स्पर्धामा असाधारण प्रदर्शन गर्दै स्वर्ण पदक जिते। करनालका सम्राटले फाइनलमा २४३.७ पोइण्ट्सस हासिल गरी शीर्ष स्थान हासिल गरे। यसरी चीनका के हू काईले २४३.३ पोइण्ट्सको साथ रजत पदक जिते। भारतकै वरुण तोमरले स्पर्धामा २२१.७ पोइण्ट्सको साथ काँस्य पदक जिते। चरम रोमाञ्चक फाइनलमा शीर्ष तीनमा सामेल शूटरहरूबीच असाधारण प्रतिस्पर्धा देख्न पाइयो। यसबीच ओलम्पिकमा २ वटा पदक जितिसकेकी मनु भाकर र एशियन गेम्समा एकाधिकपल्ट पदक जित्ने ईशा सिंह चाहिँ सोमवार आईएसएसएफ वर्ल्ड च्याम्पियनशीपमा महिलाहरूकी १० मीटर एयर पिस्टल फाइनलमा पदक जित्नदेखि चुकिन्। पेरिस ओलम्पिकमा १० मीटर एयर पिस्टल व्यक्तिगत र मिश्रित टीम स्पर्धामा काँस्य पदक विजेता मनुले फाइनलमा असल प्रदर्शन गरिरहेकी थिइन् तर १४औं निशानामा ८.८-को खराब स्कोरले उनी शीर्ष स्थानबाट झरेर सातौं स्थानमा पुगिन् अनि १३९.५ पोइण्ट्सको साथ पदकको रेसबाट बाहिर भइन्। हालै चीनको निंगबोमा वर्ल्ड कपमा स्वर्ण पदक जित्ने ईशाले पनि दबाउमा धैर्य देखाउन सकिनन्। २० वर्षीय यस शूटरले ८ जना शूटरको फाइनलमा छैटौं स्थान हासिल गरिन्। स्पर्धामा स्वर्ण पदक चीनकी २० वर्षीय शूटर याओ कियानक्सुनले जितिन्। उनले २४३.० पोइण्ट्स हासिल गरिन्। भारतलाई टीम स्पर्धामा चाहिँ रजत पदकको रूपमा सामान्य सान्त्वना हासिल भयो। यसमा ईशा (५८३), मनु (५८०) र विश्वकी नम्बर एक सुरुचि इन्दर सिंह (५७७)-ले जम्मा १७७४० पोइण्ट्सको साथ दोस्रो स्थान हासिल गरिन्।