पोर्ट ब्लेयरः आइतबार दिउँसो अन्डमान सागरमा ५.४ म्याग्निच्युडको भूकम्प आएको छ।
राष्ट्रिय भूकम्प विज्ञान केन्द्रका अनुसार झट्का अन्डमान र निकोबार टापु समूहका विभिन्न क्षेत्रमा महसुस गरिएको हो।
भूकम्पको केन्द्र समुद्र सतहदेखि करिब ९० किलोमिटर गहिराइमा रहेको बताइएको छ।
हालसम्म कुनै पनि मानविय वा भौतिक क्षतिको रिपोर्ट प्राप्त भएको छैन।
स्थानीय प्रशासनका अनुसार अवस्था सामान्य छ र आपतकालीन टोलीहरू सतर्क अवस्थामा छन्।
जापानमा ६.७ म्याग्निच्युडको भूकम्प, सुनामीको चेतावनी जारी:
उत्तरी जापानको तटमा आइतबार दिउँसो शक्तिशाली भूकम्प गएको छ।
जापान मौसम विज्ञान एजेन्सी (जेएमए) का अनुसार भूकम्पको तीव्रता ६.७ म्याग्निच्युड मापन गरिएको हो।
भूकम्पको केन्द्र इवाते प्रान्तको तट नजिक, समुद्र सतहदेखि १० किलोमिटर गहिराइमा रहेको जनाइएको छ।
एजेन्सीले तटीय क्षेत्रमा १ मिटर उचाइका सुनामीका छाल आउने सम्भावनासहित चेतावनी जारी गरेको छ।
स्थानीय बासिन्दा सुरक्षित उच्च स्थानतर्फ सारिँदै छन्।
जापान फेरि भूकम्पको जोखिममा, २०११ को त्रासदी सम्झिँदै नागरिक:
जापान विश्वकै सबैभन्दा भूकम्प–सक्रिय क्षेत्रहरूमध्ये एक हो।
त्यहाँ वर्षभर दर्जनौँ शक्तिशाली झट्काहरू आउने गर्छन्।
सन् २०११ मा आएको ९ म्याग्निच्युडको भूकम्प र त्यसपछि आएको सुनामीले जापानमा ठूलो विनाश ल्याएको थियो।
त्यस घटनामा १४ हजारभन्दा बढी मानिसको मृत्यु भएको र हजारौँ हराएका थिए।