खरसाङ: राष्ट्रिय गीत ‘वन्दे मातरम्’का १५० वर्षको अवसरमा आकाशवाणी खरसाङमा विशेष कार्यक्रम आयोजना गरिएको छ।‌ देशप्रेम र मातृभूमिप्रतिको श्रद्धा व्यक्त गर्न आकाशवाणी खरसाङका‌ सबै पदाधिकारीहरु र कर्मचारीहरु उपस्थित भएर राष्ट्रिय गीत ‘वन्दे मातरम्’ सामुहिक रुपमा गाएका थिए। जसले एकता, समर्पण र राष्ट्रिय गौरवको प्रतीकका रूपमा मानिएको छ। कार्यक्रममा सहभागीहरूले देश, धर्म र मातृभूमिप्रतिको एकता, सेवा र समर्पणको प्रतिज्ञा गरेको जानकारी प्राप्त भएको छ। यसको साथै राष्ट्रिय गीत ‘वन्दे मातरम्’का १५० वर्षको अवसरमा आयोजित कार्यक्रम अन्तर्गत प्रधानमन्त्री नरेन्द्र मोदीको लाइभ कार्यक्रममा पनि अनलाईन सहभागिता जनाएका थिए।