२५ सेप्टेम्बरः युनाइटेड गुम्ती स्पोर्टिंग क्लब, महानदीको तत्त्वावधानमा ओपन नक्आउट फूटबल टुर्नामेण्ट आइतवारदेखि शुरु भयो। गुम्ती खेल मैदानमा आजदेखि शुरु यस टुर्नामेण्टको उद्घाटन म्याचमा जंगापाना एफसी-ले दार्जीलिङ पोलिटेक्निक इन्स्टीट्यूट होस्टल बोइजलाई २-०-ले पराजित गऱ्यो। यस सेभेन ए साइड टुर्नामेण्टको उद्घाटन समारोहमा गुम्ती चिया कमानका प्रबन्धक जवाहरलाल चौधरीले रिबन काटेर शुभ शुरुवात गरे।

टुर्नामेण्टमा जम्मा ३० वटा टीमले हिस्सा लिएको छ। दुईवटा सेमिफाइनल १२ र १३ नोभेम्बरमा खेलिनेछ। यसरी नै फाइनल २० नोभेम्बरमा हुनेछ। टुर्नामेण्टमा च्याम्पियन हुने टीमलाई ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ५० हजार रुपियाँको नगद पुरस्कार प्रदान गरिने आयोजक युनाइटेड गुम्ती स्पोर्टिंग क्लबका महासचिव प्रवीण दर्नालले बताएका छन्।