लण्डन: ईंग्लिश प्रीमियर लीग फूटबल प्रतियोगितामा लगातार चारवटा म्याचमा हारपछि अन्तमा गएर लिभरपूलले जीतको स्वाद चाख्यो। यसबाहेक आर्सनल र चेल्सीले पनि आ-आफ्नो म्याच जित्यो। शनिवार राति खेलिएको म्याचमा गत सीजनको च्याम्पियन लिभरपूलले एस्टन भिल्लालाई २-०-ले पराजित गरी जीतको फर्म हासिल गऱ्यो। आफ्नो होम ग्राउण्ड एनफील्डमा ५३ प्रतिशत पोजेशनको साथ खेल्ने लिभरपूलको तर्फबाट मोहामेद सालाहले मध्यान्तरअघि इञ्ज्युरी टाइमको पहिलो मिनटमा गोलको खाता खोले। यसरी रेयान ग्रावेनबर्चले टीमलाई ५८औं मिनटमा दोस्रो गोल दिलाए। यस जीतपछि लिभरपूल १० वटा म्याचमा १८ पोइण्ट्सको साथ गोल अन्तरको आधारमा प्रीमियर लीग पोइण्ट्स टेबलको तेस्रो स्थानमा रहन पुग्यो। यसरी नै आर्सनलले आफ्नो जीतको क्रम जारी राख्दै बर्नलीविरुद्ध २-०-ले जीत हासिल गऱ्यो। यस अवे म्याचमा ५६ प्रतिशत पोजेशनको साथ खेल्ने आर्सनलले दुवै गोल मध्यान्तर अघि गऱ्यो। यसमा भिक्टोर ग्योकेरेसले १४औं र डेक्लान राइसले ३५औं मिनटमा गोल गरे। यस जीतको साथ आर्सनल २५ पोइण्ट्सको साथ शीर्ष स्थानमा कायम रह्यो।
यसबीच चेल्सीले हाई भोल्टेज म्याचमा टोटनह्यामलाई १-०-ले पराजित गऱ्यो। म्याच चरम रोमाञ्चक रह्यो तर आफ्नो होम ग्राउण्डमा खेलेर पनि टोटनह्यामले मौकाको फाइदा उठाउन सकेन। चेल्सीको निम्ति म्याचको एकमात्र गोल जोआओ पेड्रोले ३४औं मिनटमा गरे। यस म्याचपछि टोटनह्याम र चेल्सीको १७-१७ पोइण्ट्स पुग्यो तर गोल अन्तरको आधारमा यी दुई टीम क्रमशः चौथो र पाँचौं स्थानमा रहेको छ। म्यानचेष्टर युनाइटेडलाई चाहिँ नटिंघम फरेष्टले २-२-को ड्र-मा रोक्यो। म्याचमा म्यानचेष्टर युनाइटेडको तर्फबाट कासेमिरोले ३४औं र अमाद डिएल्लोले ८१औं मिनटमा गोल गरे। यसरी नटिंघम फरेष्टको तर्फबाट मोर्गन गिब्स-व्हाइटले ४८औं र निकोलो सावोनाले ५०औं मिनटमा गोल गरे। यस ड्र पछि म्यानचेष्टर युनाइटेड १७ पोइण्ट्सको साथ सातौं स्थानमा रहन पुग्यो। यसरी १८औं स्थानमा रहने नटिंघम फरेष्टसँग ६ पोइण्ट्स रहेको छ। अन्य म्याचहरूमा क्रिस्टल प्यालेसले ब्रेण्टफोर्डलाई २-०-ले, ब्राइटनले लीड्स युनाइटेडलाई ३-०-ले अनि फूलह्यामले वूल्भ्सलाई ३-०-ले पराजित गऱ्यो।