गान्तोक: सरकारी कार्यालयहरूमा स्वच्छता र लम्बित मामिलाहरूलाई निपटाउनका लागि भारत सरकारको विशेष अभियान ५.० अनुरूप पत्र सूचना कार्यालय (पीआईबी) गान्तोकले स्वच्छता ही सेवा २०२५ अभियान शुरु गऱ्यो। यस अभियानको शुरु कार्यालय परिसरको सफाइ, अनावश्यक कबाड़ सामग्रीको पहिचान र निर्धारित नियम र प्रक्रियाहरूका साथ भयो। विशेष अभियान २०२५ को उद्देश्य मन्त्रालय, विभाग, सम्बद्ध र अधीनस्थ कार्यालय, सार्वजनिक उपक्रम र स्वायत्त सङ्गठन सहित सबै सरकारी कार्यालयहरूमा स्वच्छताको पूर्णता हासिल गर्नु हो। यो अभियान सरकारी कार्यालयहरूको समग्र स्वच्छतामा सुधार गर्ने र आम जनताको सरकारी कार्यालयहरूसँग अनुभवलाई राम्रो बनाउनमा केन्द्रित छ। अभियानको मुख्य उद्देश्य कार्यालयहरूको स्वच्छता, स्थान प्रबन्धन, कार्यालयहरूको सुन्दरीकरण र लम्बित मुद्दाहरूलाई कम गर्नु हो। स्वच्छता अभियानको एक भागको रूपमा, पीआईबी गान्तोकका कर्मचारीहरूले आज स्वच्छता शपथ समारोहमा भाग लिए। जसलाई पीआईबी पूर्वोत्तर क्षेत्र, गुवाहाटीका अतिरिक्त महानिर्देशक कृपा शङ्कर यादवले पूर्वोत्तर क्षेत्रता सबै पीआईबी र सीबीसी कार्यालयहरूमा भर्चुअल माध्यमद्वारा गराए। स्वच्छता ही सेवा २०२५ अभियानले सरकारी कार्यालयहरूमा स्वच्छता र लम्बित मामिलाहरूको निपटानप्रति सरकारको प्रतिबद्धतालाई बलियो बनाउने आशा गरिएको छ।