२२ सेप्टेम्बरः हिमगिरी युथ क्लब, मंगपूको तत्त्वावधानमा आयोजित सलोनी राई स्मृति नक्आउट फूटबल टुर्नामेण्टमा ४ स्टार आरएल ब्रदर्स दोस्रो राउण्डमा पुग्यो। शारदा हाई स्कूल नजिक मंगपू डीविजनल ग्राउण्डमा बिहीवार खेलिएको म्याचमा ४ स्टार आरएल ब्रदर्सले जेपीएफसी बाघडुग्रालाई २-०-ले पराजित गऱ्यो। विजेता टीमबाट पवन राई र बरुण थापाले गोर गरे। यस नाइन ए साइड फूटबल टुर्नामेण्टमा जम्मा २८ वटा टीमले हिस्सा लिएको छ। टुर्नामेण्टमा च्याम्पियन हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ५० हजार रुपियाँको नगद पुरस्कार प्रदान गरिने आयोजक हिमगिरी युथ क्लबका कार्यकारी सदस्य रोमन आलेले बताएका छन्।