नयाँ दिल्ली: भारतका स्टार एथलीट नीरज चोपड़ाले यस महिना पाकिस्तानका वर्तमान ओलम्पिक च्याम्पियन अरशद नदीमलाई चुनौती दिनेछन्। टोक्योमा हुने विश्व एथलेटिक्स च्याम्पियनशीपमा ज्याभलिन थ्रो स्पर्धामा यी दुईजना फेरि एकपल्ट पेरिस ओलम्पिकमा झैं एकार्कालाई चुनौता दिन तयार छन्। वर्तमान विश्व च्याम्पियन नीरज १३ देखि २१ सेप्टेम्बरबीच हुने यस प्रतियोगितामा १९ सदस्यीय भारतीय टीमको अगुवाई गरिरहेका छन् जबकि नदीम पाकिस्तानका एकमात्र एथलीट हुन्। अरशदले पेरिस ओलम्पिक २०२४-मा नीरजलाई पराजित गरेका थिए। पाकिस्तानका एथलीटले ९२.९७ मीटरको ओलम्पिक रेकर्ड थ्रो गरी स्वर्ण पदक जितेका थिए जबकि नीरजले रजत पदक जितेका थिए। त्यसपछि यी दुईबीच भिड़न्त भएको छैन। अब एक सालभन्दा अधिक समयपछि यी दुईबीच टोक्योमा भिड़न्त हुनेछ। यसैकारण ओलम्पिक र विश्व च्याम्पियनबीच भिड़न्त हेर्नु रोचक हुनेछ।
विश्व च्याम्पियनशीपमा पुरुष ज्याभलिन थ्रो स्पर्धाको क्वालीफाईंग राउण्ड १७सेप्टेम्बरमा अनि फाइनल अघिल्लो दिन हुनेछ। तीन अन्य भारतीय सचिन यादव, यशवीर सिंह र रोहित यादवले पनि टोक्योमा ज्याभलिन थ्रो स्पर्धामा हिस्सा लिनेछन्। यसरी स्पर्धामा भारतका खेलाड़ीहरूका संख्या सर्वाधिक हुनेछ। डायमण्ड लीग ट्रफी विजेता जर्मनीका जूलियन वेबर यस साल तीनपल्ट ९० मीटरभन्दा अधिकको थ्रो गरेपछि यस स्पर्धामा प्रबल दावेदारको रूपमा ओर्लिनेछन्। टोक्योमा दुईपल्टका विश्व च्याम्पियन ग्रेनाडाका एण्डरसन पीटर्स, कीनियाका जूलियस येगो, त्रिनिदाद एवम् टोबेगोका केशोर्न वालकट जस्ता एथलीटहरूलाई पनि देखिनेछ। ब्राजीलका लुईज मौरिसियो र चेक गणराज्यका ३४ वर्षीय जेकब वडलेज पनि पोडियमको दावेदार हुनेछन्।