खोआरडांगा: शारबारी बीआईएलडब्ल्यूजीडब्ल्यू क्लबको तत्त्वावधानमा ३९औं फ्रेण्डशीप कप फूटबल टुर्नामेण्ट १ सेप्टेम्बरदेखि शुरु हुनेछ। खोआरडांगा (शालबारी) मा हुने यस टुर्नामेण्टमा जम्मा ८ वटा टीमले हिस्सा लिनेछ। उद्घाटन म्याचमा सिक्किम ड्रेगन एफसी र एनवाईसी सेवोक बीच भिड़न्त हुनेछ। टुर्नामेण्टको फाइनल १७ सेप्टेम्बरमा खेलिनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी रनरअप हुने टीमलाई आकर्षक ट्रफीको साथमा ५० हजार रुपियाँको नगद पुरस्कार प्रदान गरिने आयोजक समितिको तर्फबाट शुभांकर बासुमाता ले जानकारी दिएका छन्।