न्यूयोर्क: सारा इरानी र एण्ड्रिया वावसोरीको इटालियन जोड़ीले असाधारण प्रदर्शन गर्दै बुधवार राति खेलिएको रोमाञ्चक फाइनलमा जीत हासिल गरी यूएस ओपन टेनिस टुर्नामेण्टमा मिश्रित युगलको खिताब आफूसँग कायम राख्यो। इटलीका यस जोड़ीले फाइनलमा पोल्याण्डकी इगा स्वियातेक र नर्वेका कास्पर रुडको जोड़ीलाई ६-३, ५-७, १०-६-ले पराजित गऱ्यो। यसको साथै इरानी र वावसोरीको जोड़ीले १० लाख डलरको पुरस्कार राशि हासिल गऱ्यो, जुन गत साल उनीहरूलाई प्राप्त भएको पुरस्कार राशिभन्दा पनि अधिक हो। इरानी र वावसोरी ती खेलाड़ीहरूमा सामेल थिए जसले पहिला यस नयाँ प्रारूपको आलोचना गरेका थिए तर च्याम्पियन बनेपछि उनीहरूका मुहारमा मुस्कान थियो अनि उनीहरूले दर्शकहरूप्रति आभार व्यक्त गरे। वावसोरीले भने, यति धेर दर्शकहरू अघि यस कोर्टमा खेल्नु अद्भूत अनुभव रह्यो। यस माहोलको निम्ति म आन्तरिक हृदयबाट धन्यवाद जनाउन चाहन्छु। यसअघि स्वियातेक र रुडको तेस्रो वरीयता प्राप्त जोड़ीले पहिलो सेमिफाइनलमा जेसिका पेगुला र ज्याक ड्रेपरको जोड़ीलाई ३-५, ५-३, १०-८-ले पराजित गरेको थियो। यसरी अन्य एउटा सेमिफाइनलमा इरानी र वावसोरीको जोड़ीले डेनियल कोलिन्स र क्रिश्चिटन हेरिसनको जोड़ीलाई ४-२, ४-२-ले पराजित गरेको थियो। यूएस ओपनमा एकल म्याचहरू २४ अगस्तदेखि शुरु हुनेछ।