नयाँ दिल्ली: अन्तर्राष्ट्रिय क्रिकेट परिषद (आईसीसी)-ले बताएअनुसार, दक्षिण अफ्रिकी अफ् स्पिनर प्रेनेलन सुब्रायनको अष्ट्रेलियाविरुद्ध पहिलो वनडे इण्टरनेशनल क्रिकेट म्याचको अवधि संदिग्ध बलिंग एक्शनको रिपोर्ट गरिएको छ। म्याच अधिकारीहरूले रिपोर्टमा सुब्रायनको बलिंग एक्शनको वैधतामाथि चिन्ता व्यक्त गरेका छन्। सुब्रायनले अष्ट्रेलियाविरुद्ध पहिलो वनडे म्याचमा ४६ रन खर्च गरी १ विकेट लिएका थिए। म्याचमा दक्षिण अफ्रिकाले ९८ रनले जीत हासिल गरी ३ वटा म्याचको सीरीजमा १-०-को बढ़त हासिल गरेको छ। अब ३१ वर्षीय सुब्रायनसँग आईसीसीबाट मान्यताप्राप्त परीक्षण प्रयोगशालामा आफ्नो बलिंग एक्शनको स्वतन्त्र मूल्यांकन गराउन १४ दिनको समय रहनेछ। जाँचको परिणाम नआएसम्म उनलाई बलिंग गर्ने अनुमति हुनेछ। नियम अनुसार बलिंग गर्दा बलरहरूलाई आफ्नो कुहिना १५ डिग्रीसम्म खुम्च्याउने अनुमति हुन्छ। सुब्रायन आफ्नो बलिंग एक्शनले गर्दा जाँचको परिधिमा आएको यो पहिलोपल्ट चाहिँ होइन। क्रिकेट दक्षिण अफ्रिकाले २०१२-मा दुई अलग जाँचमा उनको बलिंग एक्शनलाई अवैध घोषित गरेको थियो। त्यसपछि आफ्नो बलिंग एक्शनमा सुधार गरी सुब्रायनले २०१३-मा फेरि बलिंग गर्ने अनुमति पाएका थिए। त्यसपछि २०१४-मा भारतमा च्याम्पियन्स लीग टी२० टुर्नामेण्टको अवधि अनि २०१५-मा पनि एउटा घरेलु टी२० टुर्नामेण्टको अवधि उनको बलिंग एक्शनको रिपोर्ट गरिएको थियो। साल २०१६-को शुरुवातमा उनी बलिंग एक्शनको पुनर्मूल्यांकनमा विफल रहेका थिए तर क्रिकेट दक्षिण अफ्रिकाको हाई परफर्मेन्स सेण्टरबाट स्वीकृति पाएपछि उनले मार्च २०१६-मा फेरि बलिंग गर्न शुरु गरेका थिए। सुब्रायनले यस साल बुलावायोमा जिम्बाब्वेविरुद्ध आफ्नो टेस्ट पदार्पण गरेका थिए अनि पहिलो ईनिंग्समा ४ विकेट हासिल गरेका थिए।