कोलकाता: पश्चिम बङ्गाललका शिक्षा मन्त्री ब्रात्य बसुले मङ्गलबार विधानसभामा भने, ‘राज्य सरकारले बन्द सरकारी विद्यालयहरू पुनः शुरु गर्न प्रयास गर्नेछl’ भाजपाका  विधायक विश्वनाथको प्रश्नको जवाफ दिँदै मन्त्रीले भने, ‘ती विद्यालयहरू बन्द हुनु अघि शिक्षक-विद्यार्थी अनुपात र क्षेत्रहरूको जनसंख्या घनत्व (जहाँ तिनीहरू अवस्थित थिए) को आधारमा केही दिशानिर्देशहरू तयार गरिनेछl’ त्यसपछि मन्त्रीले सभा परिसरमा रहेको आफ्नो चेम्बरमा पत्रकारहरूसँग भने, ‘विद्यालय शिक्षा विभागले प्रत्येक जिल्लाका अधिकारीहरूलाई विद्यार्थी अभावका कारण बन्द भएका विद्यालयहरूको गणना गर्न आग्रह गर्नेछl’ उनले यस्ता विद्यालयको सङ्ख्या थाहा पाएपछि मुख्यमन्त्री ममता ब्यानर्जीलाई जानकारी दिने र त्यसपछि सरकारले ती विद्यालयहरू पुनः सञ्चालनका लागि पहल गर्ने बताए। मन्त्री बसुले धेरै क्षेत्रमा आफ्ना छोराछोरीलाई अंग्रेजी माध्यमको विद्यालयमा भर्ना गराउन बढी उत्सुक रहेको बताए। बसुले यो मानसिकता परिवर्तन नगरे बङ्गला माध्यमका विद्यालयले समस्या भोग्नुपर्ने बताए।