बुलावायो: न्यूजील्याण्ड टेस्ट टीमका कप्तान टम लाथम काँधको चोटले गर्दा जिम्बाब्वेविरुद्ध सीरीजको दोस्रो तथा अन्तिम टेस्ट म्याचको निम्ति उपलब्ध रहनेछैनन्। लाथम देब्रे काँधको चोटले गर्दा पहिलो टेस्ट म्याचबाट पनि बाहिर रहेका थिए अनि उनको पुनर्वास चलिरहेको थियो तर दोस्रो टेस्ट म्याचअघि उनी फिट हुन नसक्ने तय छ। पहिलो टेस्ट म्याचमा ९ विकेटले जीतको साथ न्यूजील्याण्ड अहिले सीरीजमा १-०-ले अघि रहेको छ। लाथमको स्थानमा मिचेल सेण्टनरले कप्तानी गर्नेछन्, जसले पहिलो टेस्ट म्याचमा पनि न्यूजील्याण्डको कप्तानी गरेका थिए। न्यूजील्याण्डका मुख्य प्रशिक्षक रब वाल्टरले भनेका छन्, टमलाई फेरि गुमाउनु निराशाजनक कुरा हो। उनले कठोर मेहनत गरिरहेका थिए अनि दोस्रो टेस्ट अघि असल फर्ममा थिए तर दुर्भाग्यवश उनले फिटनेस टेस्ट पास गर्न सकेनन्। उनी मैदानमा ओर्लिन नसक्नु निराशाजनक कुरा हो। यसबीच नयाँ ब्याटर बेवन जेकब्सलाई फील्डिंग र ब्याटिंग कवरको रूपमा टेस्ट टीममा सामेल गरिएको छ। जेकब्सले गत महिना दक्षिण अफ्रिका र जिम्बाब्वेविरुद्ध त्रिदेशीय सीरीजमा आफ्नो टी२० इण्टरनेशनल पदार्पण गरेका थिए।