नयाँ दिल्ली: भारत र जापानबीच राजनयिक सम्बन्धहरूको ७०औं वार्षिकीमा बंगालको खाड़ीमा शुरू भएको जापान-भारत समुद्री युद्धाभ्यास (जापान इंडिया मैरीटाइम एक्सरसाइज- जिमेक्स) समाप्त भएको छ। अभ्यासको छेठौं संस्करणमा जापान मेरीटाइम सेल्फ डिफेन्स फोर्स (जेएमएसडीएफ) का जहाजहरूको नेतृत्व एस्कोर्ट फ्लोटिला फोरका कमाण्डर रियर एडमिरल हिरता तोशीयुकीले औं भारतीय नौसेनाका जहाजहरूको नेतृत्व ईस्टर्न फ्लीटका फ्ल्याग अफिसर कमाण्डिङ रियर एडमिरल संजय भल्लाले गरे।
भारतीय नौसेनाको तर्फबाट आयोजित जापान इण्डिया मेरीटाइम एक्सरसाइजको छैठौं संस्करण जिमेक्स-२२ बंगालको खाड़ीमा ११ सेप्टेम्बरमा शुरू भएको थियो, जसमा दुवै पक्षले युद्धाभ्यास समाप्त भएपछि १७ सेप्टेम्बरमा पारम्परिक स्टीम पास्टको साथ एक-अर्कालाई बिदाई दिए। जापान मेरीटाइम सेल्फ डिफेन्स फोर्स (जेएमएसडीएफ) का जहाजहरू इजुमो र ताकानामीको नेतृत्वमा भारतीय नौसेनाका जहाजहरूले साताभरि चल्ने अभ्यासमा भाग लिए। अभ्यासमा दुवै नौसेनाले एक-अर्काको जटिल अभ्यासहरू देखे। यस अभ्यासमा शिपबोर्न हेलीकप्टर, लड़ाकू विमान र पनडुब्बीहरूले पनि भाग लिए।
अभ्यासमा दुवै नौसेना उन्नत स्तरका पनडुब्बी रोधी युद्ध, हतियाहरूबाट गोलीबारी र वायु रक्षा अभ्यासमा जुटिरहे। आपूर्ति र सेवाहरूको पारस्परिक प्रावधानको समझौता अन्तर्गत भारत र जापानी जहाजहरू समुद्रमा एक-अर्काको पूरक बने। २०१२ मा आफ्नो स्थापना भएदेखि जिमेक्स अभ्यासले आफ्नो १०औं वार्षिकीलाई चिह्नित गर्दै दुवै नौसेनाबीच आपसी समझ र अन्तरलाई बलियो बनायो। अभ्यासमा सतह, उप-सतह र वायु डोमेनमा जटिल अभ्यासहरूको माध्यमले दुवै देशको समुद्री बलहरूबीच साझेदारी बलियो देखियो।

भारतीय नौसेनाका जहाजहरूले बंगालको खाड़ीमा पुग्दा जापानी जहाज हेलीकप्टर वाहक इजुमो र निर्देशित मिसाइल विध्वंसक ताकानामीको स्वागत गरे। भारतीय नौसेनाको प्रतिनिधित्व स्वदेशी रूपमा डिजाइन र निर्मित बहुउद्देश्यीय स्टील्थ फ्रिगेट सह्याद्री बाहेक पनडुब्बी रोधी युद्धपोत कदमत र कवरत्तीले गरे। यस बाहेक निर्देशित मिसाइल विध्वंसक रणविजय, फ्लीट ट्याङ्कर ज्योति, अपतटीय गश्ती पोत सुकन्या, पनडुब्बी, मिग-२९ के लड़ाकू विमान, लामो दूरीको समुद्री गश्ती विमान र समुद्री हेलीकप्टरले पनि अभ्यासमा भाग लिए।