१८ सेप्टेम्बरः युनाइटेड गुम्ती स्पोर्टिंग क्लब, महानदीको तत्त्वावधानमा आयोजन गरिने ओपन नक्आउट फूटबल टुर्नामेण्टको फिक्स्चर जारी गरियो। गुम्ती खेल मैदानमा हुने यस सेभेन ए साइड टुर्नामेण्टको शुरुवात २५ सेप्टेम्बरदेखि हुनेछ। टुर्नामेण्टमा जम्मा ३० वटा टीमले हिस्सा लिनेछ। दुईवटा सेमिफाइनल ६ र ११ नोभेम्बरमा खेलिनेछ। यसरी नै फाइनल २० नोभेम्बरमा हुनेछ। टुर्नामेण्टमा च्याम्पियन हुने टीमलाई ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ५० हजार रुपियाँको नगद पुरस्कार प्रदान गरिने आयोजक युनाइटेड गुम्ती स्पोर्टिंग क्लबका महासचिव प्रवीण दर्नालले बताएका छन्।