बर्मिंघम: भारतले एजबेस्टनमा ईंग्ल्याण्डलाई ३३६ रनको ठूलो अन्तरले पराजित गरी ५ वटा टेस्ट म्याचको सीरीजमा १-१-को बराबरी हासिल गऱ्यो। म्याचमा भारतीय कप्तान शुभमन गिलले ब्याटको साथ असाधारण प्रदर्शन गरे। यसरी बलको साथ आकाश दीप र मोहम्मद सिराजको पेस बलिंग जोड़ीले आफ्नो छाप छोड़्यो। आकाश दीपले चौथो ईनिंग्समा ६ विकेटसहित म्याचमा जम्मा १० विकेट लिए। यसरी सिराजले ईंग्ल्याण्डको पहिलो ईनिंग्समा ६ विकेट लिएका थिए। कप्तान गिलले म्याचको पहिलो ईनिंग्समा दोहोरो शतक (२६९) र दोस्रो ईनिंग्समा शतक (१६१)-को साथ म्याचमा जम्मा ४३० रन बनाए। म्याचमा निराशाजनक हारको सम्मुखीन भएपछि ईंग्ल्याण्डका प्रशिक्षक ब्रेण्डन म्याककुलमले ब्याटिंग सहायक पीचमा टस जितेर पहिला भारतलाई ब्याटिंग गर्ने फसेला गलत रहेको स्वीकार गरे। उनले भने, म्याचमा समयको साथमा खेल अघि बढ़्दै जाँदा हामीले टसबारे विचार गऱ्यौं। म्याचमा पहिला ब्याटिंग गर्दै भारतले ठूलो स्कोर बनायो अनि यस विकेटमा बलरहरूका निम्ति अधिक केही थिएन। हामीलाई विकेट ब्याटिंगको निम्ति यति असल रहने आशा थिएन। यसैकारण टसको समय गल्ती भयो। यसबाहेक उनीहरूले २०० रनमा ५ विकेट गुमाएका थिए तर हामीले त्यस स्थितिको फाइदा उठाउन सकेनौं। यसबाहेक टस जितेर बलिंग रोजेपछि तपाईंले विपक्षी टीमले ५८० रन बनाउने सोचेको हुँदैन। त्यस स्थितिबाट नै हामी म्याचमा पछाड़ियौं।