गान्तोक: मुख्यमन्त्री प्रेमसिंह तामाङको अध्यक्षतामा बसेको सिक्किम राज्य निजामती सेवा र सिक्किम वित्त तथा लेखा सेवा २०२५ ब्याचका अधिकारीहरूसितको बैठकले महत्वपूर्ण निर्णयहरु लिएका छन्। बैठकलाई सम्बोधन गर्दै मुख्यमन्त्री तामाङले युवा अधिकारीहरूलाई सिक्किमको प्रशासनिक संयन्त्रको मुटु र भविष्यको रूपमा वर्णन गर्दै, कुशल, पारदर्शी र जनताकेन्द्रित शासन मोडेललाई आकार दिन उनीहरूको महत्त्वपूर्ण भूमिकामाथि जोड दिए। उनले औपचारिक प्रशिक्षण महत्त्वपूर्ण कोसेढुङ्गा भएको उल्लेख गर्दै सिक्ने कार्य जीवनभरिकै प्रयास हुनुपर्ने बताए। उनले अधिकारीहरूलाई नम्रता, अनुशासन र सार्वजनिक सेवाको अटल भावनाका साथ आफ्नो कर्तव्यप्रति प्रतिबद्ध रहने प्रोत्साहित गरे। नैतिक आचरणको महत्त्वलाई उजागर गर्दै, मुख्यमन्त्रीले अधिकारीहरूलाई इमान्दारीपूर्वक आफ्नो कर्तव्य निर्वाह गर्न आह्वान गरे। कार्यक्रमको शुरुमा, कार्मिक विभागका सचिव रिन्जिङ छेवाङ भोटियाले राज्यको प्रशासनिक प्रशिक्षण संस्थानलाई बढाउन निरन्तर सहयोगका लागि मुख्यमन्त्रीलाई धन्यवाद दिए। उनले सार्वजनिक सेवामा मानव संसाधनलाई सुदृढ पार्न प्रशासनको प्रयासलाई जोड दिँदै विभिन्न सरकारी विभागहरूमा हालै भएका नियुक्तिको रिपोर्ट पनि प्रस्तुत गरे।