नर्थ केरोलाइना: स्पेनको अग्रणी क्लब रियल म्याड्रिडले फिफा क्लब वर्ल्ड कपमा आफ्नो पहिलो जीत हासिल गऱ्यो जबकि युभेण्टस र म्यानचेष्टर सिटीले आफ्नो विजयाभियान जारी राख्यो। रियल म्याड्रिडले ग्रुप एच-को म्याचमा पाचुकालाई ३-१-ले पराजित गऱ्यो। डिफेण्डर राउल असेन्सिओले सातौं मिनटमै रेड कार्ड देखेपछि १० जना खेलाड़ीको साथ खेल्नु परे पनि रियल म्याड्रिडले मेक्सिकोको क्लबलाई अधिक मौका दिएन। ब्यांक अव् अमेरिका स्टेडियममा ५८ प्रतिशत पोजेशनको साथ खेल्ने स्पेनिस क्लबबाट जूड बेलिंघमले ३५औं, अर्दा गुलेरले ४३औं र फेडेरिको भाल्भर्देले ७०औं मिनटमा गोल गरे। यसरी पाचुकाको निम्ति एलिएस मोण्टिएलले ८०औं मिनटमा गोल गरे। यस ग्रुपमा आरबी साल्जबर्ग र सऊदी अरबको क्लब अल-हिलालबीच खेलिएको म्याच गोलरहित ड्र (०-०) रह्यो। रियल म्याड्रिड र आरबी साल्जबर्गसँग अहिले २-२ वटा म्याचमा ४-४ पोइण्ट्स रहेको छ तर गोल अन्तरको आधारमा स्पेनिश क्लब ग्रुप एच-को शीर्ष स्थानमा रहेको छ।
ग्रुप जी-मा म्यानचेष्टर सिटीलाई यूएई-को टीम एल ऐनविरुद्ध ६-०-ले म्याच जित्न कुनै समस्या भएन। मर्सीडीज बेञ्ज स्टेडियममा ७४ प्रतिशत पोजेशनको साथ खेल्ने प्रीमियर लीग क्लबले म्याचको दुवै हाफमा ३-३ गोल गऱ्यो। यसमा इल्के गुण्डोगनले आठौं र ७३औं मिनटमा २ गोल गरे। यसबाहेक क्लाउडियो इचेवेरी, एर्लिंग हालाण्ड, ओस्कर बोब र ऱ्यान चेर्कीले पनि १-१ गोल गरे। यसरी इटलीको क्लब युभेण्टसले विदाद एसीविरुद्ध ४-१-ले जीत हासिल गऱ्यो। म्याचमा ६४ प्रतिशत पोजेशनको साथ खेल्ने युभेण्टसबाट केनान यिलदिजले १६औं र ६९औं मिनटमा २ गोल गरे। यसबाहेक डुसान भ्लाहोविचले म्याचको अन्तिम समयमा १ गोल गरे। अन्य एउटा गोल आत्मघाती रह्यो। यसरी मोरक्कोको क्लबबाट थेम्बिनकोसी लोर्चले २५औं मिनटमा गोल गरे। ग्रुप जी-मा युभेण्टस र म्यानचेष्टर सिटीसँग २-२ वटा म्याचमा ६-६ पोइण्ट्स रहेको छ तर गोल अन्तरको आधारमा इटलीको क्लब शीर्षमा रहेको छ।