गान्तोक: सिक्किम सरकारको स्वास्थ्य अनि परिवार कल्याण विभागअन्तर्गत राष्ट्रीय आय़ुष मिशनले आज अन्तर्राष्ट्रीय योग दिवसलाई केन्द्र गर्दै रानीपुलमा सञ्चालित वृद्ध आश्रम र बोझोघारीमा सञ्चालित चाइल्ड केयर संस्थामा एक कार्यक्रम आयोजन गऱ्यो। कार्यक्रममा योग आसनका आधारभूत ज्ञान, प्राणायामसहित योग सत्रहरू, दैनिक जीवनमा योग र आयुष चिकित्सा प्रणालीद्वारा प्राप्त हुने लाभबारे प्रकाश जागरूकताबारे वार्ता प्रस्तुत गरिएको थियो। यस अवसरमा रक्तचाप, हेमोग्लोबिन लगायत विभिन्न रोगको जाँच पनि गरिएको थियो। कार्यक्रममा सहभागीहरूलाई हातधुने विधि, स्वास्थ पोषण र व्यक्तिगत सरसफाइबारेमा जानकारी गराइयो। उक्त अवसरमा योगसम्बन्धी जानकारीमूलक सामग्री वितरण गरियो भने सबै सहभागीहरूलाई च्यवनप्राश र हर्बल काडा जस्ता आयुष प्रतिरक्षा बूस्टरहरू प्रदान गरिएको थियो। यसबीच हाजिरी जवाफ प्रतियोगिता, नृत्य लगायत विभिन्न विषयमा अन्तर्क्रिया सत्रको पनि आयोजना गरिएको थियो। कार्यक्रममा ८६ विद्यार्थीहरुले सहभागिता जनाएका थिए।