नयाँ दिल्ली: अभिनेत्री नोरा फतेही र पिंकी इरानीलाई ठग सुकेश चन्द्रशेखरसँग सम्बन्धित २०० करोड रुपियाँको मनी लान्ड्रिङ मुद्दामा बिहीबार सोधपुछ गरियो। दिल्ली पुलिसको आर्थिक अपराध शाखा (ईओडब्ल्यु) ले ५ घण्टाको सोधपुछमा धेरै प्रश्न उठाएको थियो। नोरालाई यस मामिलामा पाँचौं पटक सोधपुछ गरिएको थियो। ईओडब्ल्यु टोलीले अन्य चार अभिनेत्रीहरू निकिता ताम्बोली, चाहत खन्ना, सोफिया सिंह र आरुषा पाटिललाई पनि सोधपुछ गर्नसक्छ। सुकेशलाई तिहाड जेलमा भेटेका थिए। यसै क्रममा बुधबार ईओडब्ल्युले ज्याकलिनलाई ८ घण्टा सोधपुछ गरेको थियो।

अर्कोतर्फ, चलचित्र अभिनेत्री ज्याकलिन फर्नान्डेज सुकेश चन्द्रशेखरसँग सम्बन्धित मनी लान्ड्रिंग मुद्दामा बुधबार दिल्लीको ईओडब्ल्यु कार्यालयमा हाजिर भएकी थिइन्। ईओडब्ल्यु अधिकारी ज्याकलिनको जवाफबाट सन्तुष्ट नभएको समाचार छ। दिल्ली पुलिसले ज्याकलिनसँग फेरि सोधपुछ गर्ने भएको छ। ज्याकलिनलाई अर्को हप्ता फेरि सोधपुछ हुन सक्छ। ईओडब्ल्युको टोलीले ज्याकलिनलाई सुकेशले के-कस्ता उपहार दियो भन्ने सूची बनाउन आग्रह गरेको छ। सोधपुछका क्रममा ज्याकलिन एक दुई पटक भावुक पनि भइन्। दिउँसो दिल्ली पुलिस अधिकारीहरूले ज्याकलिनलाई होटलमा गएर खाजा खान सक्ने बताए। तर ज्याकलिनले अस्वीकार गरिन्। दिल्ली पुलिस अधिकारीहरूले ईओडब्ल्यु क्यान्टिनबाट खाना अर्डर गरे जहाँ पुलिसहरूले खाना खान्छन्, जुन ज्याकलिनले खाइन्। ईडीको सोधपुछका क्रममा आरोपी सुकेश चन्द्रशेखरले नोरा फतेही र ज्याकलिन फर्नान्डिजलाई लक्जरी कारसहित धेरै महँगो उपहार दिएको खुलासा गरेकी समाचार छ। १४ अक्टोबर २०२१ मा नोरा र सुकेशलाई आमनेसामने बसेर सोधपुछ गरिएको थियो।