गान्तोक: गान्तोकको तादोङस्थित एनईएच क्षेत्र, सिक्किम केन्द्र आईसीएआर अनुसन्धान परिसमा बुधबार १४ सेप्टेम्बरमा हिन्दी दिवस पालन गरियोl आधिकारिक भाषा कार्यान्वयन समितिका संयुक्त निर्देशक र अध्यक्ष डा रामगोपाल लाहाको अध्यक्षतामा हिन्दी दिवस मनाइयो। आफ्नो उद्घाटन सम्बोधनमा उनले राजभाषा हिन्दीको ऐतिहासिक परिप्रेक्ष्य र संस्कृतबाट यसको उत्पत्तिबारे प्रकाश पारे र आईसीएआर सिक्किम केन्द्रले केन्द्रका सबै कर्मचारीहरूलाई संलग्न गरी विभिन्न आधिकारिक गतिविधिहरूमा हिन्दीलाई लागू गर्न गरेको प्रयासप्रति सन्तुष्टि व्यक्त गरे। वरिष्ठ वैज्ञानिक (हर्टिकल्चर) र आधिकारिक भाषा कार्यान्वयन समितिका उपाध्यक्ष डा. एस.के. दत्तले राजभाषा हिन्दी र गैर-हिन्दी भाषी कर्मचारीहरूमा यसको लोकप्रियताको बारेमा चर्चा गर्दै भारत सरकारको हिन्दी शिक्षण योजनाको हिन्दी कक्षाका लागि गैर-हिन्दी भाषी कर्मचारीहरूलाई मनोनयन गरिएकोमा प्रशंसा गरे। (जेनेटिक्स र प्लान्ट प्रजनन)का प्रमुख वैज्ञानिक डा. रामगोपाल देवदास र डा. जेके सिंह, एसएमएस (बिरुवा प्रजनन) र प्रमुख (आई/सी), आईसीएआर-केभीके रानीपुलले पनि आफ्नो दिनचर्या कार्यमा राजभाषा व्यवहार गर्दा आफ्ना विचार र अनुभवहरू साझा गरे। साथै सेप्टेम्बर महिनामा आयोजना हुने विभिन्न कार्यक्रममा सहभागी भई आफ्नो नियमित आधिकारिक काममा राजभाषा अपनाउन सबै कर्मचारीलाई अपिल गरे। उनले राष्ट्रिय एकतामा हिन्दी भाषाको महत्त्व र जनताबीचको कनेक्टिभिटीमा पनि जोड दिए। यसका साथै उनले कृषक समुदायको हितका लागि तालिम कार्यक्रममा हिन्दी भाषाको प्रयोग र नेपाली, हिन्दी अनि अंग्रेजीमा विस्तार सामग्री प्रकाशन गर्ने बारेमा उजागर पारे। सम्पूर्ण हिन्दी दिवस कार्यक्रमको संयोजक डा. अमित कुमार, वैज्ञानिक (कृषि विज्ञान)/ राजभाषा कार्यान्वयन समितिका सदस्य सचिवले राजभाषा हिन्दीको वास्तविक परिदृश्य र आधिकारिक पत्राचारमा यसको कार्यान्वयनलाई प्रकाश पारे। उनले हिन्दीमा र आफ्नो करियरको विभिन्न क्षमताहरूमा आफ्नो काम गर्ने अनुभवलाई रेखांकित गरेl हिन्दीलाई धेरै सुन्दर भाषाको रूपमा भेट्टाएको र जसले यसमा सबै क्षेत्रीय भाषाहरू ग्रहण गर्ने उनले बताए। उनले डा. रामगोपाल लाहाको नेतृत्वमा आईसीएआरले हिन्दी दिवसलाई भव्यताका साथ मनाउन गरेको प्रयासको प्रशंसा गरेl डा. जे.के. सिंह, एसएमएस (बिरुवा प्रजनन) र प्रमुख (आई/सी), आईसीएआर-केभीके रानीपुलले धन्यवाद ज्ञापन। –पीआईबी गान्तोक