गान्तोक: सिक्किम आम बिहारी कल्याण मञ्चको एक सभा हिजो देउरालीस्थित एक होटलमा सम्पन्न भयो। लाल बजारका पार्षद अशोक प्रसादको अध्यक्षतामा सम्पन्न भएको सभाले गत केही दिन अघि दिल्लीस्थित जन्तर मन्तरमा सिक्किमवरूद्ध धरना प्रदर्शन गरेकोमा कडारूपमा भत्सर्ना जनायो। उल्लेखनीय छ,गत केही दिन अघि बिहारका दुइ जनाले सिक्किमको पुरानो कानून ३७१एफ हटाउनु पर्छ भन्दै धरनामा बसेका थिए। हाम्रो समुदायका सदस्यहरू शताब्दीदेखि स्थानीय स्थानीयहरूसँग शान्तिपूर्ण जीवन बिताइरहेका छन् र एकअर्काको भावनालाई सम्मान गर्दै आएका छन्। आजको बैठकमा संस्थाले धारा ३७१एफको पूर्ण समर्थनमा रहेको प्रस्ताव पारित गरेको छ। उक्त कानूनको विरुद्धमा हुने कुनै पनि गतिविधिलाई राष्ट्रविरोधी मानिनु पर्ने सभाले निर्णय लिएको छ।
आम बिहारी कल्याण मञ्चका सदस्यहरू धारा 371F र सिक्किमेली समुदायलाई प्रदान गरिएको अधिकारको समर्थनमा सधैं उभिने बताएको छ।यी व्यक्तिहरूले राज्यको सद्भावना र भाइचारालाई भंग गर्न साथै राज्यमा बसोबासो गर्दै आइरहेका बिहारी समुदायर र स्थानीयहरूबीच दुश्मनी सिर्जना गर्न खोजिरहेको सभाले दाबी गरेको छ।
About Author
