काठमाडौं: भारतले आइतवार पेनल्टी शूटआउटमा बंग्लादेशलाई ४-३-ले पराजित गरी साफ अण्डर-१९ फूटबल च्याम्पियनशीपको खिताब आफूसँग कायम राख्यो। नियमित समयको खेलमा स्कोर १-१-को बराबरीमा रहेको थियो। त्यसपछि नतीजाको निम्ति पेनल्टी शूटआउटको सहारा लिइयो, जसमा खराब शुरुवातपछि भारतले अन्तमा जीत हासिल गऱ्यो। नियमित समयको खेलमा भारतको शुरुवात असल रह्यो अनि कप्तान सिंगामायुम शमीले दोस्रो मिनटमै गोल गरे। मध्यान्तरसम्म स्कोर १-०-ले भारतको पक्षमा रहेको थियो। त्यसपछि मोहम्मद जोय अहमदले ६१औं मिनटमा गोल गरी बंग्लादेशलाई १-१-को बराबरीमा पुऱ्याए। पेनल्टी शूटआउटमा भारतका रोहन सिंहको धीमा शट्लाई बंग्लादेशका गोलकीपर इस्माइलले रोक्दा गोल्डन जुब्ली स्टेडियम (यूपिया, अरुणाचल प्रदेश)-मा चकमन्नता छायो। त्यसपछि भारतले पनि हार मानेन। बंग्लादेशका कप्तान नजमुल हुदा फैसलले गोलीलाई पोस्ट माथि हिर्काउँदा खेल रोमाञ्चक बन्यो। त्यसपछि भारतले रहल दुवै पेनल्टीमा गोल गऱ्यो जबकि गोलकीपर सुरज सिंहले सलाहुद्दीनको प्रयासलाई रोक्दा भारत च्याम्पियन बन्यो।