पेरिस: पेरिस सेण्ट जर्मेन (पीएसजी)-ले आफ्नो फर्मलाई कायम राख्दै यूएफा च्याम्पियन्स लीगको फाइनलमा स्थान बनायो। फ्रान्सीसी क्लब पीएसजी-ले बुधवार राति खेलिएको सेमिफाइनलको दोस्रो लेगको म्याचमा ईंग्लिश प्रीमियर लीग क्लब आर्सनललाई २-१-ले पराजित गऱ्यो। यसअघि आर्सनलको होम ग्राउण्डमा खेलिएको म्याचमा पनि १-०-ले विजयी रहेको हुनाले पीएसजी-ले समग्रमा ३-१-ले जीत हासिल गरी फाइनलमा स्थान बनायो। यसरी पीएसजी-ले ५ वर्षपछि च्याम्पियन्स लीगको फाइनल खेल्ने अवसर हासिल गऱ्यो। अब पीएसजी-ले ३१ मईमा म्युनिखको आलियाञ्ज एरेनामा खेलिने फाइनलमा इटलीको क्लब इण्टर मिलानको चुनौती स्वीकार्नेछ। इण्टर मिलानले सेमिफाइनलमा स्पेनिश क्लब बार्सिलोनालाई समग्रमा ७-६-ले पराजित गरी फाइनलमा स्थान बनाइसकेको छ।
आफ्नो होम ग्राउण्ड पार्क दे प्रिन्समा बुधवार अबेर राति भएको म्याचमा ४५ प्रतिशत पोजेशनको साथ खेल्दै पीएसजी-ले शुरुमै बढ़त हासिल गऱ्यो। स्पेनिश मिडफिल्डर फाबियान रुइजले २७औं मिनटमा गोल गरेर आफ्नो टीमलाई बढ़त दिलाए। मध्यान्तरसम्म स्कोरमा फेरबदल भए। यस अवधि आर्सनलले लगातार आक्रमण गरे पनि गोल हासिल गर्न सकेन। दोस्रो हाफको खेलमा पीएसजी-ले आफ्नो बढ़तलाई दोब्बर पाऱ्यो। अचरफ हाकिमीले ७२औं मिनटमा पीएसजी-लाई म्याचको दोस्रो गोल दिलाए। चरम दबाउबीच आर्सनलका अनुभवी फरवर्ड बुकायो साकाले ७६औं मिनटमा एक गोल गरे पनि आफ्नो टीमलाई हारबाट बचाउन सकेनन्। आर्सनलले म्याचको शुरुवातमा राम्रो प्रदर्शन गरे पनि पीएसजी-का गोलकीपर गियानलुइजी डोनारुम्माको उत्कृष्ट शेभहरूले गर्दा गोल गर्न सकेन।